2011年11月29日星期二

(2011) 中山小欖菊花展







DSCN3846






有《菊城》之稱的中山小欖,早在清朝嘉慶年間已舉行菊花大會,隨後舉行的大小菊展從未間斷,一年一度的菊花展今年於 11231210日,在中山小欖龍山公園和江濱公園舉行。小欖菊花聲稱是中山第一花,而菊花展是當地民間重要的傳統節日,有著豐富的歷史文化內涵,菊花種類繁多,歷來受到市民的追捧

前幾日約了兩位朋友,報名參加了一個好抵既中山小欖菊花展一天遊團費用每個人只需 $89 玩一日,這個價錢坐車上中山來回車票錢都唔夠啦,仲包食一餐菊花大閘蟹午餐噃。

早上七點在九龍塘集合出發北上,開始一天的行程了,到在黃崗後轉大陸旅遊車,駛往東莞、番禺、中山方向再出發,點知在高速公路上,未到虎門大橋已大塞車,原來有架運油車漏油了,搞了幾個鐘仲未掂,六線行車各車都塞在一起,坐在大陸既車感覺好危險,因為佢地成日攝位轉線,最後我們既車攝位到近前,兜路行要浪費個多小時,到達食晏地點已一點,大家都十分餓,好彩午餐除了有大閘蟹之外,共十味餸菜好豐富及好味!呢個世界係無免費午餐嘅,咁廉價的團費當然係要付出一些代價啦,那就是要去一些指定既購物地方,今次這個團就有三個指定的購物地方,係蘆薈園、水雲嶺布衣族賣茶葉及生物谷買中藥。
 
去完三個指定的購物景點,四點幾先出發前往整團人最期待的行程,菊花展,其實大部份的團友都不太滿意有關的安排,不過都無辦法啦!五點幾先到達,中山小欖江濱公園,有兩個小時俾我們去看花,但影得幾張相已入黑,亮了燈,景色又不同呀,變了睇夜間之菊花,睇慣日間既花展,晚上亮了燈感覺亦不同,我們不是太清楚有幾多品種,最特別既係一種 [獨頭菊] 比對人頭仲要大呀,佢地本土都好多人特來參觀欣賞,原來是不需入場費喎;花展中菊花之多,實在是令我們大開眼界,但我及朋友們,都覺得維園花展係靚好多,因為品種及款式多嘛,其實因為 60年是一個大展,去年係大型,所以今年 2011年只是小型展,根據導遊講想睇較大型些,下次會係 2014年,睇完花展,隔離有美食展,大家食了些小食,都已差不多八點集合啦。

要趕車返香港啦,本來由中山返羅湖只需兩個鐘,點知又塞車,成九點幾,條高速公路上差不多有七成都係貨櫃車,導遊話因虎門大橋,有一條行車線整條正在維修,近日每天都塞車,大陸都唔識變通,有乜理由整條吖,梗係逐一部份維修,而且佢地係人開工佢開工,人地收工佢又收工,咁既梗係唔掂啦,真係有排向香港學習囉,搞到十一點才到羅湖,再坐東鐵,返到家已十二點了,連服務費及保險全部費用計,只是百多元玩一日你話抵嗎,一天遊淨係坐車都飽囉,這天坐車真的好累呀。

(這是在 Yahoo blog 的舊作)

2011年11月23日星期三

鯉魚門的海與浪



 

 




 

 

 

 


DSCN3537


 

 

 

 

 

 

DSCN3574
 



 
老友問 weekend 想去吓遊山玩水,問我有咩好介紹,我話不如近近地去鯉魚門三家村啦,可食吓野又可看海看浪,又看到日落,一講完即可起行,實在太方便了。

大家都好耐無去啦,今日既鯉魚門,除了食客在海鮮街穿梭;每當假期,鯉魚門分外熱鬧,因為有好多人去釣吓魚,攝影發燒友,都愛到鯉魚門取景影吓海景與黃昏既靚相。旅客來到鯉魚門,除可品美味海鮮外,又可沿著大路前往燈塔和鯉魚門天后廟等歷史建物,看看這裡有百年歷史的小漁村特色,更可近距離欣賞維多利亞港 的醉人景色,是一樂也呀。

到黃昏晚上,海鮮店及海鮮酒家燈光亮起,東方之珠夜景展現眼前,品嚐海鮮餐是遠道而來遊人既主要活動,因鯉魚門是世界一級海鮮集中地,真的太多款式,果然是名不虛傳

但今次我們無食海鮮,只食了地道既舊式餐室下午茶,飲杯靚奶茶呀,睇吓海與浪及日落,周邊行行,買了些乾品及蛋卷肉乾,玩了一個下午,已感覺身心都愉快輕鬆了啊!

 

 


(這是在 Yahoo blog 的舊作)

2011年11月19日星期六

士多啤梨慕士蛋糕 (妹妹生日)










































仲整了三杯士多啤梨 mousse

以下呢個係上星期做俾同事們食嘅


  Photobucket 


19 號係我妹妹生日,她最喜愛食士多啤梨,所以特地為她做了這款蛋糕,希望她會喜歡啦,祝福妹妹幸福、開心、健康、快樂啊!

材料 : (8圓模)


海綿蛋糕片 2


士多啤梨蓉 280g (Blend 爛成蓉或切碎)
檸檬汁 40 g

30 g
魚膠粉 3茶匙 (8 g)

100 g
全蛋 2

淡忌廉 300 g
士多啤梨 6-8 (圍模邊用)

士多啤梨及其他生果適量 (裝飾餅面用)

淋面士多啤梨果凍:

士多啤梨啫喱粉 45g

魚膠粉 4g

160g
做法
1. 淡忌廉打至七成企身放回雪柜備用

2.
魚膠粉加入檸檬汁及水內,用熱水坐溶備用。

3.
全蛋加糖坐於熱水中打至忌廉狀,攪入魚膠溶液及
士多啤梨蓉,分數次混合忌廉中成士多啤梨 mousse需要放涼

4.
在活底模上放入蛋糕咭紙在底部,將
士多啤梨切厚片排在蛋糕模邊,放入剪裁過既海綿蛋糕一片,倒入一半份量的士多啤梨慕士,再放上第二片海綿蛋糕,然後再倒入其餘的士多啤梨慕士,放入雪柜直至凝固。

5. 預備淋面士多啤梨果凍,水用小煲加熱,放入士多啤梨啫喱粉拌溶,加入魚膠粉拌溶,熄火待涼(可座冰水冷卻)倒入凝固既士多啤梨慕士上,再放入雪柜直至凝固

6. 凝固後取出脫模,放上士多啤梨及其他生果做飾面,即成了。

  Photobucket 
  

(這是在 Yahoo blog 的舊作)