自家製-冬陰公湯

天氣開始涼涼地，介紹以下一款合秋冬，酸酸辣辣美味泰式既【冬陰公湯】俾大家享用！冬陰公非常容易做，我就試煮過，你都不妨試做吓啦！

材料: 2 至 4 人份量

冬陰公料 1 包切絲 (內有香茅、南薑、檸檬葉、青紅辣椒、乾蔥頭，青檸 1 個)青檸炸汁後下

鮮蝦半斤 (留起蝦頭，蝦身除腸備用)

番茄  1-2 個

草菇約 10 粒 (出水備用) 或可改用磨菇或日本菇

紅咖喱醬 1 湯匙 (食得辣可落 2 湯匙或怕辣可不加)

椰汁 1 細罐或椰粉一包(開溶備用)

調味: 青檸汁、魚露

做法:

1) 清水約 5 至 6 碗，鮮蝦洗淨，背部開邊挑腸，蝦頭放在煲裏滚至出味

2) 撈起蝦頭，放入香茅、南薑、青檸葉、紅咖喱醬料，及放入少許蝦膏吊味(可不放)，煲約半個鐘

3) 放入草菇、番茄、椰汁，待滾後，再放入蝦 

4) 最後加入一個青檸炸的汁及少許魚露調味，大功告成！ 

備註：以上各材料可以因自己喜愛加減的，怕辣可減辣椒碎及紅咖喱醬，愛酸可加多啲青檸汁，唔夠咸可以落多一些魚露，而冬陰公湯料可在超市買到，或泰國人開的雜貨店找到，可加肉類或其他海鮮貝類，至於水既份量，想飲幾多碗就煲幾多碗啦，但記得要加材料份量喎！ 

(這是在 Yahoo blog 的舊作)

一個月享用兩次魚宴

鮮嫩黑鯛魚生~手快有手慢無啦喂

秘製魚皮又爽又好味

木瓜海螺雪梨豬展湯

話梅豬手煲~~幾好味但豬手唔夠淋

片皮鴨~~又幾脆口喎

金銀蛋浸莧菜及雞柳小唐菜

一鴨兩味

日式鹽燒鯛魚~~超正

蒜蓉蒸黑鯛魚

紅燒頭腩~~勁大碟呀好野味

清蒸牙點,火點及鱲魚~~肉質嫩滑

清甜馬蹄露

我抽到既細鳞

第日蒸了獎品細鳞~~嫩滑好美味

八月尾至九月尾食了兩次亞ben 哥邀請既魚宴，一次係日式，另一次係中式，都是拜為食貓貓所賜，愛魚如命既女友，帶她食了一次之後，佢就成日問我幾時有魚食呀，喜歡食魚既程度，我都唔多識點講囉，八月那次仲帶多一位同學仔去食添。

我已唔記得今次係第幾次出席呢，我最初係不喜歡食魚生嘅，只是陪人襯熱鬧，但去了咁多次之後，已經開始慢慢食少少啦，又覺得可以接受，所有魚獲約九十斤，是來自亞ben與艇家哥哥倆人，通宵夜釣既辛勞傑作。

在大埔既酒樓食，雖然今次宴開只是兩圍，有部份是blog 友，在酒樓食是好過在日本料理食，地方大坐得舒服點無咁擠迫，各人食得好開心及滿足啊，食完仲有抽獎，我同女友都咁幸運，抽到一條大魚添，哈哈我地又食又拎，在此再次感謝亞 ben 哥帶俾大家有個歡樂既魚宴夜呀！

(這是在 Yahoo blog 的舊作)