椰香南瓜玫瑰饅頭

漂亮既黃玫瑰花饅頭，其實是用南瓜和中筋粉來製造，純天然顏色，並沒添加任何人工色素，好靚靚、加上有椰奶香味，食得安心又健康，做法比想像中簡單，小小的加工做成玫瑰花樣貌，就讓每一口，都吃得心花怒放。

材料: 4 個份量 = 有 8 個

中筋粉 250g

椰奶 90g

砂糖 50g

酵母 3g

植物油 8g

去皮南瓜 60g

做法 :

1. 去皮南瓜切成小塊，水滾後蒸約 15 分鐘取出，趁熱用叉壓成泥，酵母加入椰奶中攪溶。

2. 麵粉、砂糖混合拌勻，再加入南瓜泥、椰奶、酵母液、植物油搓成光滑麵糰，靜置鬆弛 5-10 分鐘。

3. 將大麵團分為 4 等份，各份再分為 6 小等份搓圓。

4. 用木棍用 6 小麵團桿成一片片的圓薄片，一字層疊排開，然後取其中一片捲成圓柱狀做成花芯。

5. 將花芯放上另一片薄圓上，之後一端捲到另一端，如此類推將薄捲好，於中心位置切開，就會有玫瑰花樣貌，可整理一吓花瓣向外。

6. 然後排在蒸籠裡蓋上籠蓋，醒發大約 25 分鐘 (夏天室溫 30℃)，如冬天要發耐一點，發酵至一倍大，記緊每個之間須留有足夠空間讓麵團發酵變大。

7. 發酵完成後，凍水落鑊一齊蒸，(用大火) 蒸 20 分鐘，熄火後打開少少蓋疏氣 5 分鐘才可取出，以免饅頭因冷縮熱漲出現鄒紋。

8. 完成取出，亦可配上煉奶，或蜂蜜伴食更美味。

彈彈精靈球 (甜品)

PokeMon GO 手機網絡遊戲本年7月份開始，在開拓了既地區，大家瘋癲地已玩了多個月，對基本既紅白精靈球，一定不會陌生啦，我當然都有玩吓，雖然現在無咁狂熱，但中堅分子的，仍會在報料區搵巢穴及搵精靈出沒地圖，專程去各區公園及大街小巷，捕捉稀有小精靈，集齊糖等畢業，去打吓擂台，叔叔阿太最捧場，每日去捉精靈，好似返工咁勤力，雖然互不相識，傾起來似朋友咁投契；今次我會用啫喱層及椰汁層，玩吓彈彈精靈球做甜品吧！但脫模時不完美，用朱古力溶液塗上圓形及兩邊線條時，彈彈精靈球因太滑難黏貼，直線塗得又唔靚，原來做圓形精靈球都有點難度嘅，哈哈…試玩吓咁做，唔靚都算數啦。

紅色啫喱層:

啫喱粉 80g (紅色士多啤梨味)

魚膠粉 4g

熱水 200 ml

做法 : 

1. 啫喱粉加入4g魚膠粉，用 200 ml 熱水開勻攪溶，放涼，倒入圓形容器中，放入雪櫃雪到凝固 (大約雪 2-3 小時) 備用。

2. 脫模後，中間切開成為兩份，在底部中央挖走小半月形備用。

白色椰汁層材料：
椰漿 140g

淡忌廉 45g
魚膠粉 13g

砂糖 80g
清水 260g

椰汁層做法：

1. 清水加砂糖煮滾離火，加入魚膠粉攪至完全溶解。

2. 再加入椰漿及淡忌廉拌勻備用。

3. 拌勻漿料待涼後，倒進已凝固半形紅色啫喱層模中，冷藏至凝固。

4. 取出脫模，將黑朱古力坐溶，放入筆形唧筒，在球中間塗上圓形及兩邊線條，再冷藏至朱古力凝固，做成紅白既精靈球。