南山村魷魚與(加強版)





石峽尾南山村麥記士多，聽講只是一間平平無奇的士多，黃昏過後，在晚上七至八點，搖身一變成為了小食檔，由一位老伯伯經營，而他只賣一種食物，就係一元一條的魷魚鬚，他只靠一種魷魚鬚，令自己名聲遠近馳名，以前魷魚鬚只是五毫子一條，無奈百物騰貴，物價上漲逼不得已變成了一元一條，伯伯既魷魚出名平靚正，再加佢獨有既醬料，爽口好味道，我只是聽講，有機會真的要去試食吓啦！

近排見網上大家都整佢呢款街頭小食，我都同大家一齊試整吓「南山村一蚊魷魚」，食譜係用韓式辣醬，伯伯一定不會買樽裝既韓式辣醬整啦；原隻魷魚我整了一次，再做多一次加強版，就係魷魚鬚再加魚蛋及豬皮，好味呀，仲好好餸飯呢。

 

材料﹕

水魷 1 至 2 磅

調味醬枓 ﹕

蠔油 2 湯匙

老抽 1 湯匙

麻油少量（隨意）

砂糖 1 湯匙

韓式辣醬 2 至 3 湯匙

 
做法﹕

清洗水魷，用鹽撈吓去走滑潺，再沖洗，切開隔去水份，將調味醬攪匀，開火用瓦煲或白鑊燒熱落水魷，（不用加水，水魷會出水），爆炒一陣，加入調味醬，轉細火炆煮20-25分鐘，直至醬汁收乾變杰可上碟。

(魷魚鬚、魚蛋及豬皮加強版)

發水魷魚鬚 1隻約半磅220g，炸魚蛋半磅220g，豬皮2件約200g，跟以上做法，豬皮在最後7分鐘才加入，免煮得太淋

(南山村伯伯及一蚊魷魚鬚)