2012年12月18日星期二

白與黑之戀人





















日本既北海道 ,是我最喜歡既地方,係好舒適及浪漫,所以也去過兩次不同方向既地區玩,去北海道 多數人,都會買吓當地出名既〈白之戀人曲奇〉做手信,也去過做白之戀人既生產製作地參觀,外型係一所好漂亮既『白之戀人朱古力趣緻城』,香港某大公司內都有售白之戀人曲奇,但好貴噃,又想再食喎,不如自己搵資料試整吓啦,我做了兩款口味,係白與黑,現俾大家睇睇,我既第一次自家出品,都可以咁啦!

材料:方型約40

無鹽牛油 90(室溫放軟)
糖霜 90g
低筋麵粉 110g
全蛋 1隻(拂勻)
雲呢拿香油少許
白朱古力 100g  (可加些淡忌廉)
朱古力 100g

做法:

1. 低筋麵粉篩過備用
2. 先打勻無鹽牛油,再加糖霜同打勻至軟滑忌廉狀,加入1/3蛋液打勻,再加 1/3蛋液打勻,再加餘下蛋液,繼續打勻,加入雲呢拿油拌勻後,加入低筋麪粉,直至完全拌勻成幼滑麵糊
3. 把方形膠片模放在不黏布上,將麵糊鋪上,用膠刮片抹平,抹去多餘的麵糊
4. 輕手取走方形膠片模,放進雪櫃約5分鐘 (有助保持完整方形)
5. 放入預熱焗爐 140℃,焗 8-10分鐘至金黃色
6. 白與黑朱古力各用微波爐加熱 12分鐘,至溶拌勻備用,或可隔熱水座溶備用
7. 放涼後用牛油刀或匙子將已溶白與黑朱古力醬,沾上各曲奇片上,再將另一片合上即可。




(這是在 Yahoo blog 的舊作)


2012年11月25日星期日

一間有 Heart 的素食館

























分隔线素材◆紫色系列◆ - Q仔 - Q仔*网易博客
昨天約了兩位同一日生日既網友作生日聚會,她們想食素食自助餐喎,搵來搵去,終於搵到一間係其中一位食過贊好既『茹素食』素食館;我們三人都住九龍,專程去到灣仔,這一間店舖在地庫,裝修雅緻有點似去咗森林咁,木製椅桌有些甚至保留樹幹原型,而且餐具全都是啡色配青色的,牆上有字畫,十分古色古香,讓人有種清靜脫俗之感,不吃素的,也可以品茗茶,看看多款佛學經書,也是賞心樂,坐位寬闊舒服呀。

這間食 "齋 Buffet"素食館地點位於:灣仔軒尼詩道 288 號英皇集團中心地庫,如不想食自助餐既,都可以散叫其他食品,自家弄的素餐,餸菜沒有味精,據知這裡的原食物材料都係由自家舖製,呢度出名既仲有藥饍湯飲,各色各樣幾十款,一盆盆既食物款式多,任君選擇,服務員從廚房不斷帶來剛整好的食物給大家嘗試捧著個托盆,每一轉是一款,入面放有好多小碟一件食物,逐枱問客人要唔要,我們逐樣試少許,係源源不絕推出先推出既有試食,但我們有好多款式都飽到不能再試食了,只要求影張相就算啦。

中小企的素食館,老闆用心經營,員工服務態度好,值得推介的一間食館,我們偶然同老闆娘傾了幾句之後,原來好啱傾,傾了好耐,她說最初用了幾百萬元搞裝修舖位,及所有開支,因店舖沒有做宣傳,又在地庫不易睇到,平時及假日人流不多,開舖四年是蝕本,若這樣下去,也許明年3約滿便要結業了,談及中小企既難處,又要用心苦戰,之後講及個人抱負及人生道理,我們覺得這一間咁有 Heart 的素食館,用心製作各色各樣咁精緻食品,味道又好,服務員個個都好親切,非常難得,結束實在太可惜了,我們好有誠意幫她推薦多些朋友到來試食,及會幫佢聯絡一些介紹食館既報刊雜誌及機構,仲與老闆娘交換了電話,希望能幫到佢少少,吸引多點客路,可以繼續經營,如大家都有興趣試吓呢間Heart 的,款式多元化又好味既茹素食』素食館,盡快約埋親朋去試試啦!



(這是在 Yahoo blog 的舊作)

2012年11月16日星期五

豬腳薑醋有得食












 
恭喜賀喜,好開心我既家族新添了成員啦,就是大哥添了孫仔,姪仔生了小龍 B仔,佢急不及待早了廿天已出來同大家見面,我升級做了姑婆喎,為食既我在 12朝,當然要去姪仔家中,食吓添丁薑醋啦,及與12天大既 BB 見吓面啦,六磅幾既小 仔如公仔般,表情多多真的太可愛呀,薑醋係我亞嫂煲既好好味,我帶了個大盒攞薑醋,呵呵又食又拎,多開心滿足啊!

如未有親友添丁,又想自己試煲有得食嘅,我搵了以下既資料,介紹一吓煲豬腳薑醋既做法,畀大家玩吓又有得食啦!
自用少份量材料:

薑 1 斤
添丁甜醋 500g (約 3) (可加黑糯米醋,薑醋比例係12)
雞蛋 (隨意)
豬腳 2 隻或豬手 1 隻
瓦煲一個

製法:

1. 薑洗淨刮去皮後風乾
2. 用刀拍扁裂薑,然後放入白鑊慢火把薑兩面炒乾
3. 薑放入瓦煲內,加入甜醋2支用慢火煲沸,20分鐘熄火
4. 每幾天取出來煮滾薑醋,以免細箘及霉箘滋生,約煲半個月入味後
5. 豬腳斬件後洗淨,然後放入沸水煮 5分鐘後轉慢火煲大約 30分鐘後取出盛起,隔乾水份
6. 雞蛋恰熟後浸凍水,去殼備用
7. 把豬腳放入薑醋中,再加入一支甜醋,用慢火煲至豬腳淋,再加入雞蛋,浸約15分鐘,熄火
8. 浸幾日後,把豬腳薑煮翻滾,便可食用啦!

註:如添丁用份量按比例加大便可。煲薑醋可以縮短煲的時間,約煲1星期左右,薑醋要用瓦煲盛載,忌用鋁,,鐵鑊煲。

B要幾時煲?約生前一個月,煲定薑同醋先,煲了嘅薑醋每隔六至七曰就要煲一煲滾,到派薑醋前幾天才加豬腳及蛋!

薑醋對產婦的好處:

產婦產後即時可以飲用薑醋。薑醋對產婦身體早日康復,尤其是對內生殖器官的復原極有幫助。薑醋有袪風散寒、活血去瘀、幫助子宮收縮的作用;豬腳含有大量鈣質,而薑醋可以將之軟化、有助產婦補充失去的鈣質。而雞蛋含有八種人體必需的氨基酸,多種礦物質和維他命等多種成分,對產婦身體補益大有好處呀



(這是在 Yahoo blog 的舊作)