我架古董衣車頭，以前用佢車盡衫、褲、裙、大褸、晚裝裙、窗簾、梳化套及咕臣套等等，之後只間中改吓衫褲，收埋都好耐無啟動，但從來無諗過會車口罩，近日因肺炎疫症嚴峻，外科口罩短缺，各人周圍撲都買不到，好多人立即會自家做來應急，放假去布料店睇睇，原來有專為做口罩用既布，有多款厚薄，不同淨色顏色既防水布售賣，老細話面層用防水布，底層用薄棉布做最為適合，近日超多人買來自家做，我都買了布，立即開工車口罩來應急了。
材料：
面層防水布 20cm
x 18cm 一塊
底層薄棉布 20cm
x 18cm 一塊
幼薄橡筋 19cm x 2條
毛條鐵線 (或包膠鐵線)
做法：
1. 先剪出 20cm
x18cm 紙樣，剪裁布用。
2. 將面布及底布在 20cm 那邊，各摺起 0.6 cm車直線。
3. 將面及底布兩塊反轉對摺車，兩邊適當位置在裡面加入橡筋，四面車縫合，在底部中央留約 6-7cm 開口位。
4. 將車好的留空既開口位反轉壓平，放入毛條鐵線在頂部，在面車直線，固定鐵線位置。
5. 在兩邊平均位置車三個摺，完成。
6. 將口罩熨平備用，底中央開口位置亦可加入濾芯紙更換使用。
=====================================================
=====================================================
加做了 ( 立體型口罩 )
( 戰斧型口罩 )
( 立體型及風琴外科型口罩 )
