漸變色藍莓芝士凍餅 (生日用)

時間過得真係快，咁快又到 6 月，又要出手做生日蛋糕既時間啦，好多款式既蛋糕都已做過了，有乜好整呢，就做個漸變色既藍莓芝士凍餅，劃線後似花瓣，有藍莓酸甜味，及芝士香濃軟滑，我用草莓、藍莓及銀珠仔作裝飾，增添了色彩也不錯呀；祝家人生日快樂，健康愉快，每日都開心幸福呀。 

6 吋餅底材料 : 馬利餅或消化餅 50g / 淡牛油 35g

 
做法 : 將餅壓碎，加入溶牛油拌勻，壓實在模底中，蛋糕模可放入蛋糕咭紙在底，部入雪櫃 30 分鐘待用，做成餅底。 

藍莓果醬 : 藍莓 120g  /  砂糖 30g 
做法 : 藍莓加入砂糖，小火煮至濃稠，然後放涼備用 

芝士饀材料 : 
忌廉芝士  120g  (預先放在室溫解凍)
淡忌廉  250g
牛奶  50g
砂糖  40g
魚膠粉  6g
凍水  30g 

做法 : 
1. 魚膠粉加入 30g 凍水攪拌，再以熱水座溶備用。 

2. 忌廉芝士先加入砂糖用打蛋器打發，再加入淡忌廉打發，然後倒入牛奶和魚膠粉溶液一齊攪拌勻。 

3. 將芝士糊平均分成 3 份，其中一份加入 2/3 藍莓果醬，一份加入 1/3 的藍莓果醬拌勻，另一份留白色備用。 

4. 先把深紫色的芝士糊倒入模具鋪平，在中央點再放入淺紫色的芝士糊，最後在中央點放上白色芝士糊掃平。 

5. 用筷子在蛋糕上劃出花紋，然後微微震出氣泡，讓平面平滑，入雪櫃冷藏 4-6 小時。 

6. 取出，用熱毛巾圍邊脫模，餅面放上裝飾即可。