過大海-澳門

澳門牌坊

龍環葡韻

葡人服飾

威尼斯人酒店外貌

威尼斯人地面層賭場部份

新濠天地

新濠天地美人魚動畫歡迎你

官也街 (又名手信街)多間出名食店



砲台以前射荷蘭,現在正射向何生(新葡京)

 

澳門已去過好幾次，近日又再去澳門遊玩，除了飲飲食食之外, 還有一個重要項目要到既，梗係去新既賭場渡假酒店逛逛啦！

早上抵達氹仔碼頭後，立即到「龍環葡韻」睇睇先，「龍環」是氹仔的舊稱，「葡韻」是指這裡葡萄牙的建築風格，又指氹仔海邊馬路一帶的景緻；整個景點包括海邊馬路的五幢葡式住宅、嘉模教堂、圖書館和兩個小公園，尤其海邊馬路葡式建築群，這五幢翠綠的小型別墅，是氹仔重要的文物建築與文化遺存，同時也是澳門極富代表性的景點之一，但同幾年前來大有分別囉，以前五幢別墅築物前係海邊，景色優美，有好多人用來影結婚相作為背景，現在前面只盛得一個大蓮花池 ，其他已將海填平了土地，望出去係[威尼斯人]同[新濠天地]，仲有好幾座新酒店建築中啊！

跟住我們去氹仔-官也街 ，又名手信街，[大利來記豬扒包]就在附近，但要下午三點才出爐，所以無行過去，只有在手信店試食，但一盒都無買，因香港都有，之後出去澳門牌坊、砲台、博物館及市區逛逛；下午餐後就正正式式的行酒店既超級商場了，真的超大，逛得好攰呀！又在新濠天地中的天幕睇了一個叫[龍騰]既4D 動畫Show，都幾精彩啊！[水舞間]因17號才開始，票價一張成千蚊亦太貴，就算開始亦唔會睇喇！

跟住既當然係主角，進出幾間大娛樂場中玩玩啦，我絕不是賭客，只是周圍睇睇，玩一些2仙或1蚊以下最平既老虎機，其中也中了一次2,500注，但投注係2仙，得50大元囉，不過也玩得好開心及好耐囉，但一直玩此終俾番晒佢，都輸了140大元啊；看著那些人瘋狂的日以計夜在裡面賭呀賭，賭得天昏地暗，真有點悲哀！不過新賭場各有不同特色，裝修華麗到不得了，但我還是喜歡以前既寧靜的舊澳門囉！

今次去澳門，當船進入澳門水域，就開始不停收到不同既新酒店，或電訊公司傳來歡迎你既短訊，都有8、9 個，到走途中仍然收到短訊，為了要爭取客人到佢處消費，又真係幾有趣啊，快速地咁又玩完了這次行程呢！



(這是在 Yahoo blog 的舊作)