東京都 5天之旅

旅遊完都成個月，因工作一直太忙碌，未有時間記錄旅程資料，現在補上發文，今次想睇既紅楓、銀杏及日本聖誕既景色，全部都觀賞到，完滿又順利。

4-12 因搭凌晨機去，所以晨吉咁早，已到達﹝羽田機場﹞，立即買張快將畢業既企鵝西瓜咭用，它服務已有廿五年，用完可作留念！

東京去〈埼玉縣所澤市〉，参觀〈武藏野坐令和神社〉，建立最新及新式既神社，與眾不同！

是專程去埼玉縣既〈角川武藏野博物館〉，睇昭和 100 年展，及其他展覽，因 12 月中完，還有書架投射表演好精彩，角川收藏書的數量無法有總數，因為這取決於指的是哪一個收藏。角川武藏野博物館的「漫畫・輕小說圖書館」收藏了約 32,000本，日本輕小說和約 10,000本，及有角川出版的漫畫及兒童讀物。

晚上趕返去，位於東京荻窪的「大田黑公園」，是賞楓、賞銀杏的隱藏東京賞楓景點，近日晚上有紅葉點燈至 12月7 號至晚八點開放，晚上好多人觀賞打卡。

5-12 早餐後，出發去(浜離宮恩賜庭園)、(舊芝離宮恩賜庭園)、(增上寺)、(港區立芝公園)，睇紅葉及銀杏，增上寺在東京鐵塔附近！

中午在(六本木 Hills) ，突然發現有KFC 聖誕餐廳，原來係全日本初次做既期間限定餐廳，只做 6日，2-12 至 7-12 號，咁難得遇上，當然要幫襯吓，仲送聖誕卡及杯墊，食品都好正！

下午去了六本木 CityView 52樓欣賞 ( EVA 30 週年紀念展)，包括未公開原稿一樣可以影餐飽，全世界既人都趁機去朝聖，仲可以俯瞰東京日與夜+黃昏景色，仲睇到富士山，超值！

睇完動畫紀念展，晚上在六本木 66 廣場有聖誕市集，當然重點係去觀賞(櫸坂)每年聖誕燈飾啦，用了 93萬 LED 燈泡組合而成，在整條街馬路兩旁，超級熱鬧，有交通警控制現場，俾大家在馬路中間打卡！

6-12 早餐後，出發去西新宿，(成子天神社)、(新宿中央公園)、(熊野神社)！

中午後，趕去(明治神宮)，因4點關門，今日超多本地人，及好多外國人團隊前往參觀，剛遇見有人結婚行禮，十多年前去過，又係遇到結婚人士，好難得呀！

跟住搭車去(明治神宮外苑)，佢係觀賞銀杏最震撼地點，4 行平排列成整條街，但遲了些，一半樹既葉，已落了好多，點燈亦剛過了，好驚睇唔到，真好彩，仲還有不少啊！

黃昏跟住去外苑聖誕市集，有56檔德國美食及其他雜貨擺檔，在網上預訂門票，有紀念杯送，場中勁多人，檔檔都大排長龍買嘢食，用自己送既杯，買了聖誕忌廉朱古力，聖誕 pizza ，炸雞薯條，幾好味嘅！

睇完外苑銀杏，晚上跟住搭車到涉谷，觀賞「青之洞窟 SHIBUYA」，在涉谷公園通與代代木公園欅樹道展出。今年聖誕活動，係用約 50 萬顆藍色燈泡打造夢幻光之隧道，藍色隧道、巨型雪人，未到聖誕已好多人，好有氣氛！青字在日文是藍色既意思！

7-12，早上去了（銀杏岡八番神社），跟住係文東區（小石川後樂園），及 Tokyo Dome City 行吓，旁邊係（東京巨蛋）剛遇上日本殿堂級組合［ B'Z ］開尾場演唱會，超級多人等，跟住前往豐島區既（妙義神社）係貓咪神社，貓貓御守最受歡迎，要排隊買！

下午去旅遊重點既（六義園），佢要分日間晚間兩個時段入場，晚上因有點燈，要另外俾較貴既費用，我們日間入完，飯後晚間再入睇點燈效果，點燈後果然無令人失望，值回票價！

8-12，早上出銀座行街及食壽司，之後去墨田區既（飛木稻荷神社）參觀，近晴空塔！之後返東京車站睇日間景，昨晚睇了夜景，又有聖誕市集，好熱鬧！

黃昏再戰〈六本木〉，前晚在櫸坂睇燈飾時，因東京鐵塔無乜顏色，今晚黃昏再去影，睇到佢呀！

在另一方向既 Midtown，有 Christmas Garden Lights 燈飾，夢幻泡泡飄雪，有真雪球，好靚又好玩呀！

晚上返回酒店攞行李，搭車去羽田機場，足五天旅程已完滿結束，準備搭凌晨機返港啦！