來到六月，又係為家人做生日蛋糕既日子啦，夏天咁熱，生日蛋糕都唔知整乜好，阿仔喜歡食芝士餅，之前整過不少凍餅，就再來整個藍莓芝士凍餅啦，今次特別買了藍莓啫喱粉，及海洋朱古力做裝飾面，就更加豐富好味，我二哥都係同一日生日，祝他們生日快樂，健康愉快!
餅底材料︰（6吋）
無鹽牛油(溶液) 30克
餡材料︰
糖 65克
魚膠粉 5克
凍滾水 3湯匙
淡忌廉 240毫升
冧酒 1茶匙
雲呢拿油 半茶匙
藍莓粒醬 60克
餅面材料︰
藍莓啫喱粉 4湯匙
魚膠粉 2茶匙
凍滾水 170毫升
裝飾︰海洋朱古力隨意/草莓玫瑰花一朵，或可用其他裝飾
凍餅做法︰
1.先將消化餅壓碎，加入己熱溶了的牛油在餅模內拌勻，壓實，放入雪櫃雪硬備用。
2.將糖及忌廉以打蛋機拌勻打發至 6 成備用。另備一隻大碗，以打蛋機將忌廉芝士打至軟滑。
3.魚膠粉加入3湯匙凍水開勻後，隔水坐熱，慢慢加入忌廉芝士中，加入雲呢拿油及冧酒。
4.輕輕加入忌廉拌勻。
5.再加入藍梅醬拌勻，倒入蛋糕模中，放入雪櫃雪 2 小時以上。
6.另備一隻碗將藍莓啫喱粉加 2 茶匙魚膠粉，再加入 170 毫升凍水隔熱水坐溶待涼，放上海洋朱古力及草莓，啫喱水倒在凍餅面上，放入雪櫃冷藏約二小時以上完成。
7.可用熱毛巾圍住蛋糕模外，幫助脫模，或可擺放其他喜愛裝飾。
