椰皇鮮奶燉蛋白及燉蛋



近日在街市見有好多椰皇賣，價錢只係分大細唔同，約是 5-10 元就有一個，比起超市價錢平好多，我買了兩個中型，都係 6 元一個，開出來好多椰皇水，是十分清甜可口。

 

今次買來用佢燉鮮奶蛋白，做這個甜品，燉熱立即食，或雪凍後食都係咁好味，要開椰皇殼成蓋，原來是在底部落手的，而且需要些少技巧。餡料的份量其實與蛋白燉奶十分相似，加入了椰子水燉，就更加清甜美味滑嘟嘟，易整又好味呢！

材料:

椰皇 2 個

椰皇水 240 毫升

蛋白 4 隻 (中型)

鮮奶 236 毫升 (細盒裝一盒)

砂糖 3 湯匙

做法:

1. 將椰皇頂部切走尖端，反轉用毛巾墊住防滑。

2. 菜刀用近刀柄的角尖位，向椰皇的底部敲擊(距離中心點約一吋半的地方)，無需太大力，底部的椰殼比較薄，比較容易劈開，原住裂縫處繼續劈開，兩至三刀就可撬開，倒出椰皇水備用。

3. 撬開後修整吓凹凸的椰殼，用小刀修飾突出的椰肉。

4. 蛋白加入椰皇水拌勻，加鮮奶，再加入砂糖，全部拌勻，過篩後倒入量杯中，以便分配。

5. 兩個椰皇各注入鮮奶蛋白料，8 至 9 分滿，用錫紙包好，放在碗中，放入已滾既水中，蒸燉約 30 分鐘，取出趁熱食用或冷藏後食用均可。

                      -------------------------------------------------------------

泰國椰皇鮮奶燉蛋

材料:

椰皇 2 個

椰皇水 200 毫升

蛋 4 隻 (中型)

鮮奶 100 毫升 

黃砂糖 25克