青衣公園景色美

最近見好多腦友記都去《青衣公園》影靚相，昨天也相約了朋友去行吓，今次目標當然係影桃花園既桃花啦，睇資料話十多年前開始已種植桃花，有二百幾棵喎，但我們來遲了幾天，因天氣太熱了，桃花好多都開晒，有些仲凋謝了，下年如要影燦爛靚靚桃花，就要請早啦！

到了青衣公園，主要影桃花外，更影吓該處其他優美的風景啦，在公園內，婆娑樹影、湖光倒影，以至優雅的建築，都構成了該公園雅緻景觀的一部分；青衣公園位於青衣市中心，在港鐵站隔離好方便，昔日是散佈先人墓地的山丘。

青衣公園佔地 7.13公頃，於 1996年 9月開放予市民使用。該公園採用歐陸式設計，提供多項動態及靜態設施如網球場、硬地足球場、900米及 1,200米長優質健行徑、兩個兒童遊樂場、一個長者健體園地、一個太極園、一個露天劇場、人工湖內種有睡蓮、一道瀑布、一個觀景台、一個野餐區、三條卵石步行徑、一個棕櫚園、和一個桃花園、一片大休憩草坪、一個觀景台及一間小食食肆等等，有時間可以去閒聊一吓呀！