脆皮藍莓雪糕批

口感細膩，奶香濃郁，雪糕的發明，簡直就是為夏天量身打造的。夏天要食透心涼既好嘢，咁就要來分享，雪糕控有口福啦，今次做了藍莓味脆皮雪糕批，藍莓味道香濃，口感都唔錯呀，如無雪條模，可用蛋糕仔紙杯做，喜歡亦可做其他既口味架！😋🍨

雪糕材料：

藍莓 100克

砂糖 25克

檸檬汁 2 茶匙

淡忌廉 200毫升

煉奶 100毫升

脆皮材料：

黑朱古力 200克

菜油 25毫升

花生碎適量

做法:

1. 藍莓略壓加砂糖，用小火煮至濃稠成醬，需不時攪拌，隔渣待用。

2. 將淡忌廉打發企身，加煉奶拌勻，再加入藍莓醬拌勻。

3. 將混合液倒入模內，放入冰箱冷藏最少 5 個小時。

4. 用微波爐或隔水加熱法將朱古力溶化，再加入菜油拌勻，再加入花生碎待至室溫。

5. 取出雪糕，浸入朱古力漿內，再放冰箱冷藏一小時後可享用 （因雪糕非常容易溶化，最好一次取出一或兩枝雪糕浸朱古力，然後再放回冰箱）。

海洋公園遊覽–2024

以前佢既宣傳廣告係咁，去玩！去癲！去 Ocean Park！ 位於港島南區黃竹坑，它是一座集海陸動物、機動遊戲和大型表演的主題公園，於 1977 年 1月 10 日開幕，現在都有 47 年歷史了。  

每隔幾年都會去一次行吓，睇吓鯊魚、鱷魚、海豚、水母、企鵝、熊貓、川金獅猴及各種大小魚類等等，去海洋公園都十分方便，搭港鐵可到達門外，旁邊又建有五星級既萬豪酒店，其他項目及設施都差不多，主要都是分山下的『海濱樂園』區，與山上既『高峰樂園』區，大家都好熟識，不再多介紹了，今次上山與落山都是搭海洋列車，一個字係快，唔使點排隊，因吊車多人等待，遊人主要仍是強國同胞為主，玩得都開心既一天，但天氣好熱，行了成日已好攰，帶著疲倦身軀講拜拜，要走人啦。