因我們日落未完已走,以下呢兩張是下白泥日落靚美景,俾大家欣賞睇睇,取材網上!
約了幾位認識多年，好耐無見既男女網友，星期六下午二點一齊見面玩吓，她在『元朗』附近既『沙江圍』住，相約了在元朗西鐵站等，女友有車，見面後她車了我們入『錦繡花園』飲茶，好多年無去都無咩點變，望著湖畔清幽環境下歎吓茶，聊聊天，好舒暢啊！
飲完茶我話想去吓好耐無去既『南生圍』行吓影吓相，佢原來未去過，諗住睇路牌，點知架車兜了幾個圈都搵唔到是那條路去到，放棄了；我話不如去全港睇日落最靚既『下白泥』睇吓日落係點樣靚啦，大家都未去過，之後駕車向流浮山方向駛去，原來經過流浮山後，仲要坐車行好遠，佢唔多識路，邊行邊問人，小路長而窄，附近有好多釣魚場，終於都到了啦，已見到有好多人駕車先後到達，多是攝影發燒友來影日落，我們只是隨便周圍影吓，朋友話帶我們去佢家既圍村行吓，日落還未落下，我們已開始走了，我真有點捨不得走，有機會再去過睇啦！
沙江圍是在天水圍附近既，好有圍村風情，有魚塘、有詞堂，村屋齊整排列，有觀音堂及四面佛，隔離左右既村民大家都識晒，民風簡樸清靜，又睇到靚日落，她住了十多年，感覺好舒適唔捨得搬遷；佢話訂了枱七點，帶我們去食吓正野喎，晚上駕車到『洪水橋』一間好地道既晚飯店舖，全部都是專程駕車來幫襯既熟客，環境都唔錯，因她是熟客，留了條靚大海斑俾我們，有蟹有鮑魚，又有濃湯大蝦浸勝瓜，及靚菜，全部都非常好食，個個都讚不絕口，怪不得熟客要咁遠駕車都去食啦，飲茶及晚飯都係呢位朋友爭住俾錢，又車我們周圍去，實在不太好意思啊，好多謝她的誠意款待了我們大半天，下次再玩過，不過要講明係我們請呀！
祝大家有個開心快樂既中秋節
(這是在 Yahoo blog 的舊作)
