放假又冇乜特別地方好去，同家人飲完下午茶後，忽然間想去開放了一段時間的『南蓮園池』，聽講話建築費花了幾億元，還未去過，即刻去遊覽下先！
『南蓮園池』這佔地約3.5公頃的仿唐建築園池，卻是建設在鑽石山區石屎森林中，星河明居住宅區隔離，入到去見到有很多內地旅行團，及本地一家大小的遊人，亦有很多拿著「長短火」的拍友在學習攝影。
『南蓮園池』不止有園林，山、水、林木，仲有瀑布同埋一個好大又多大鯉魚既魚池添! 雖然我不懂建築，但也看得出設計者也下過一番心機，比起其他「扮古風」的公園，還是高一份心思。為市民於煩囂喧鬧的城市中建造一個不可多得的靜態舒閒休憩場地，總算係一件好事喇！
『南蓮園池』雖然開左一段時間，但園裏設施似乎仍未被自由行和公園阿伯「摧殘」。或者係因為管理得嚴吧？單單是人手方面已經不可跟康文署的公園相提並論。在工作人員的密切監視之下，任何有損公德，有礙觀瞻的舉動一律禁止，而園內也全面禁止吸煙及飲食，園內自由空氣就欠奉啦，但看到眼前依然能保持「清淨」的花園，我開始明白到有時嚴厲監控也有其好處。
行開當然順便行埋對面馬路既『志蓮淨苑』喇，呢處我就去過幾次咁多喇，志蓮應是好多人都熟識，就簡易講少少，殿堂採用中國唐代傳統木構建築，殿堂的木構件，均以榫接方式結合，不須使用一粒釘子，真係勁！整個殿堂南、東、西邊設三個大門，分別是「山門」、「東門」及「西門」。整體建築佈局為「三進一院」，唔好問我「三進一院」係咩喎，我都係聽人講架咋……
『志蓮淨苑』既蓮花池有幾個，池水清、荷葉綠、蓮花現正開放，好靚，拍友自然加倍落力影相。不過我又唔係拍友，只是隨便影下就算數！唔覺唔覺，天又有烏雲就落雨，亦都夠鐘要返屋企開飯喇，結束這次去兩個有清雅靚景既旅遊點，大家又有冇去過呢！
(這是在 Yahoo blog 的舊作)
