土耳其- 特洛伊城 -木馬屠城記
土耳其- 藍廟 -清真寺
土耳其 -古羅馬式劇場
土耳其 - 棉花堡
希臘 - 雅典 - 巴特濃神殿
雅典 - 巴特濃神殿全貌
希臘 - 愛琴海小島上 - 白屋仔
埃及 - 獅身人面像
埃及- 撒哈拉沙漠 - 金字塔
埃及 -靚靚香水樽
我家仍保留的 - 特洛伊木馬擺設
土耳其－木馬，希臘－小白屋，埃及撒哈拉沙漠－沙樽及香水瓶
唔知你又知唔知木馬病毒既典故呢！「特洛伊木馬是 Trojan Horse 的中譯」程式取名自「木馬屠城記」故事，希臘聯軍圍攻特洛伊屢遭挫敗，最後以士兵躲在大木馬裡入城，趁特洛伊城軍民進入夢鄉時，打開木馬暗門垂繩而下、焚屠特洛伊城。「特洛伊木馬程式」即指外表無害，包藏禍心的電腦病毒程式。
「特洛伊木馬程式」會想盡辦法隱藏自己，一旦入侵電腦後，開始佔用電腦系統資源。當使用者連線上網時，其他人就可能控制這部電腦，並且竊取帳號、密碼等機密資料。更強的木馬程式可能直接毀損硬體、刪除檔案、格式化磁碟等。
這木馬令我想起 1995 年既農曆新年，我一家三口去地中海旅遊時，曾經都有去過『土耳其 - 特洛伊城』，那次係去『埃及』，『希臘』及『土耳其』三個國家十二天遊，『埃及』最難忘係在撒哈拉沙漠上吹著風沙騎大駱駝，駱駝又臭又高好鬼辛苦，入去金字塔長而窄的路，令人有好難呼吸的感覺，獅身人面像當然必到喇，風沙好勁好曬，好在不是太熱啫，博物館中的巨型法魯王像，純金宮廷珍品，木乃伊等全部都是嘆為觀止啊，可惜時間太短，未能仔細欣賞！手信當然有撒哈拉沙漠既沙樽同埃及香水和美麗既香水樽喇！
『希臘』這國家，係渡假天堂真的無講錯，『雅典』好靜好舒適既感覺，『巴特濃神殿』係二千多年前偉大舉世古建築，值得一遊，參觀了第一屆奧林匹克運動會場，又乘船暢遊愛琴海三大島嶼，小島上全部矮細純白小屋，襯托著藍海與天，令人悠然開朗呢，我們坐在愛琴海旁餐廳用餐，令人心曠神怡，總結希臘係好舒適，最適合不趕時間，能在不同風格的小島上，住三數天就最開心喇！
『土耳其』呢個國家既貨幣很底，我亞仔買了一件棉質外套，是用了壹佰三十多萬，真嚇壞人，其實只係幾佰蚊港紙啫，我《先夫》與團友跟領隊在住的酒店賭場玩，輸了幾仟港元，亦係去咁多國家既賭場中輸得最慘烈既一次呀！暢遊世界自然及文化遺產『棉花堡』，要坐四、五個鐘車才去到，石灰質聚結而形成棉花狀之岩石，層層疊疊，構成自然壯觀之岩石群和水池，最慘當時係冬天，天氣好凍，話要保持果度原貌，要我地除鞋才可進入，嘩救命呀，隻腳底差點也結了冰啊。世界文化遺產『特洛伊』古城，為希臘神話故事「木馬屠城記」的背景地。我家仍保全有在那裡買的小木馬擺設呀！就係呢隻木馬程式，搞到依家周圍有咁多人，發放呢種電腦毒而取名囉！
當年去相隔現在都已十三年了，印象已比較模糊，但最記得當年去地中海，食方面係咁多國家之中團餐最差，可能我地唔習慣食地中海式的食物喇，又冇乜中國餐食，領隊成喼都係杯麵，我都帶了一些俾當年還細的亞仔食呢，依家聽人講食用已比較適合港人了。
P.S. 我當年去，係未有數碼相機，現只在網上找一些有關相片俾大家睇睇呀!
(這是在 Yahoo blog 的舊作)
