基本海綿蛋糕

首先要篩 2 次粉

蛋白、蛋黃、砂糖、花奶

粟米油、花奶及香精在滾水上座熱

蛋白加砂糖打到不會滴下

蛋黃及 3 隻全蛋加糖另外打

蛋黃打至變白色及不滴下

蛋白、粟米油、花奶及香精混入，逐少加入三種粉搞勻

立即倒入盤內

焗約 20 分鐘出爐完成

今日得閒，又玩吓整基本既海綿蛋糕，好簡單又易做，如果基本海綿蛋糕做得成功嘅，其他生日蛋糕就由佢變化出來啫，我今次好成功噃，香噴噴新鮮出爐，請大家試吓啦！

材料:

蛋   4隻

糖   60gm

粟粉 5gm

餅粉 60gm

筋粉 一滿茶匙

花奶 20gm

粟米油  20gm / 或改用牛油較香

雲呢拿香精 少許

工序:

1.  圓盤內側搽油後沾上筋粉(餅粉較黐，筋粉不會黐)

2.  圓盤底部週邊包上紙，或用密底盤，小撻兜都可以

3.  餅粉、粟粉、筋粉三種粉混合，篩粉2次

4.  粟米油混入花奶及香精(在滾水上座熱會容易混合)

5.  用打蛋器把 1隻蛋白打勻，分數次加入些少糖打至不滴下(如其它材料未混合好，可先把蛋白放入雪櫃雪凍)

6.  剩下的糖加入 1隻蛋黃及 3隻全蛋

7.  用打蛋機快速打勻(打至變白色及不滴下)

8.  加入蛋白，粟米油，花奶及香精混入搞勻，逐少加入三種粉，轉一下個兜，刮一下個邊，用膠刮刀攪勻所有材料

9.  慢慢倒入圓盤內，掟一下小焗盤後馬上入爐焗，220-240 度火力，用上下火，焗約 20分鐘，時間及火力要執生。

註: 買家用焗爐，最好係內有小風扇既[熱風對流]焗爐較好，因火力平均，不會一邊燶一邊無色，又要轉位咁麻煩！



(這是在 Yahoo blog 的舊作)

聖誕食全包宴

最近我又有新野玩啦，就係整麵包，學既種類都幾多噃，簡單介紹一吓俾大家睇睇先：學過有菠蘿包、牛角包、餐包、白方包、腸仔包、麥方包、提子包、麥包、雞尾包、叉燒包、吞拿魚包、法式包、紫菜肉鬆包，丹麥條、火腿蛋包、椰檳、排包、花生醬包、椰絲奶油包、薄餅、蘋果批、雞批、蛋撻等等。

所謂麵包，就是以小麥製成為基本原料，先磨成粉叫筋粉，再加入水、鹽、酵母等，並製成甜、咸麵糰，再加入不同餡料，然後再以烘、烤等方式加熱製成既食品。

通常我們提到麵包，大都會聯想起歐美麵包或日式的夾餡麵包、甜、咸麵包等。其實，按照上述的定義劃分，麵包這一食品範圍更加廣泛，現在還有許多新品種既麵包。

麵包是高熱量碳水化合物食品，多吃容易肥胖。麵包的主要營養成分為碳水化合物，為人體提供熱量。廣泛使用的製作麵包的原料除了黑麥粉、小麥粉以外，還有蕎麥粉、糙米粉、玉米粉等。有些麵包經酵母發酵，在烘烤過程中變得更加彭鬆柔軟；還有許多麵包是相反，用不著發酵。儘管原料和製作工藝不盡相同，它們都被稱為麵包。

加入餡料的麵包如雞尾包、菠蘿包、紅豆包等，均屬於高糖份高脂肪的麵包。如一個菠蘿包就有287卡路里及9克脂肪，一個雞尾包有355卡路里及16.4克脂肪，約等於3茶匙油，而糖份只能提供卡路里，卻沒有營養素，所以，需控制體重或糖尿病人士，就要加倍注意喇！



(這是在 Yahoo blog 的舊作)

西貢、鹽田梓、糧船灣遊

西貢地質公園

鹽田梓碼頭

鹽田

 

 

 

 

 

 

 

 

海鮮餐

吊鐘拱門

吊鐘洲西岸的海蝕隙和海蝕洞

 

象鼻洞

 

糧船灣

 

 

 

趁住星期日假期，約了幾位朋友參加我屋苑搞既西貢、鹽田梓、糧船灣海鮮船河一天遊。

我們既行程：先乘旅遊車去西貢碼頭，乘遊艇去鹽田梓村，有天主教特色的客家村落，近三百年歷史，曾為陳姓客家人居住，全村信奉天主教，村中建有百多年歷史的教堂聖約瑟小堂及文物展覽室，是全港保存最妥善的鄉村教堂。當然有鹽田及紅樹林，村公所、百年老樹活泉井，有客家文化-雞屎藤茶果，我地當然有試吓啦。

參觀完乘遊艇返回於西貢既通記享用海鮮餐午膳，逛逛市集，我們買了好幾款海味。中午再上船出海，遠觀吊鐘洲東面的甕缸群島由沙塘口山、橫洲、火石洲等多個小島嶼，幾大名洞、萬宜水庫東壩壯麗景觀，可惜在船睇過去，還有點距離囉！原本有去破邊洲睇六角石柱群但因太大浪去不到，真可惜只能遠眺睇六角柱海蝕洞，但仍可看到被海浪侵蝕的現象，最後唯有改去糧船灣。

到了上岸即見到天后宮 ，糧船灣海域係海膽養殖場，是本港出產海膽最靚既地方，佢地講仲靚過日本貨喎，亦有團隊專承去食即開新鮮既海膽，電視都在此拍攝過特輯介紹，喜歡食既要注意啦，聽老板講原來係12月至6月才有得食肥美既海膽呀，其他時間只能食一般既海鮮啊，糧船灣亦有人正在去行山；今個旅程是天朗氣清的一天，真適而出海，在甲板上享受一吓陽光，吹吹海風，看看風景，心情都會輕鬆開朗不少啦。今次睇不清雄偉的六角柱群，下次要改去萬宜水庫那條路線，就一定睇到更多喇！


(這是在 Yahoo blog 的舊作)