牛奶布甸 (朱古力、綠茶、士多啤梨三口味)

朋友送了迷你牛奶布甸樽仔俾我，有埋蓋，方便又美觀，超可愛，立刻搵了食譜，今次一不做，二不休，整了朱古力，抹茶、士多啤梨三隻不同味道既布甸，鮮奶加上忌廉，口感好滑溜美味，食起來感覺很清新又易整，好呀。

材料：（約6個布甸樽份量）

牛奶 400ml

淡忌廉 200ml

魚膠粉 9g

砂糖 50g  (甜味可加或減)

可可粉 12g  (或綠茶粉 12g或士多啤梨香粉 6g)

(要朱古力味香濃點，可加少許朱古力粒)

做法：

１) 將砂糖和魚膠粉，(可可粉或綠茶粉或士多啤梨香粉)全部攪勻，倒入牛奶攪勻，小火加熱至砂糖和魚膠粉溶化，關火

２) 加入淡忌廉攪勻，用篩隔去雜質

３) 將奶凍平均倒入 6 個布甸樽裏，冷藏至凝固即成。

(這是在 Yahoo blog 的舊作)

花之習作 (2012)

 

 

 

近期愛上了玩花藝噃，其實十多年前，只學了幾堂，係好平中心搞既最基本課堂，見有朋友弟弟結婚，我又識佢，大膽地為他做了結婚花球、襟花、及心形車頭花之類，之後仲做過探病花籃、開張花籃、花球等幾次，因為喜歡花藝，都好想再深入學習，但學費及材料費都幾昂貴，因工作忙又無咩時間再學，到了最近機會來了，當然好開心，撥出時間地再接觸，落足心機去學習，有手捧束花、車頭花、襟花、手腕花、開張花籃、鮮花果籃、葬禮花、棺面花、餐桌花、節日花藝、櫥窗、宴會佈置等等，真的太充實呀！

 

以前結婚做既係較傳統的花球，新娘捧著膠花托(俗稱雪糕筒)既款式，但現在已流行手束花/手綁花 Hand Tied Bouquet，通常大家都叫它做『法式花球』，是露花枝腳的，是比較適合東方女性使用，藉此希望大家有個概念，去選擇一個合適自己既心儀花球；呵呵....我用一份花材，分次序做成三個款式，是否係好慳妹呢，如大家有需要，都可搵我幫手做呀。

 



(這是在 Yahoo blog 的舊作)