到三月又係賞櫻既時候，大埔海濱公園地方大，櫻花品種比較多，去年來過一次影到好靚既“墨染櫻”呀；到達後先到茶花園附近睇睇先，一排約十幾棵有墨染櫻既位置，哦，全部都只得少許小花冧，可能因今年天氣比較凍未熱，要較遲才開花了，真有點失望啊。
再行向在放風箏草地附近，梯級上種了幾棵櫻花樹，品種應該是“鐘花櫻桃”已開晒花，向下望咁多拍友嘅，原來有六棵櫻花樹，好燦爛美艷又密集，品種似係“富士櫻”，全部都滿開了，好多蝴蝶在花間飛舞，一般櫻花開花期為 3 月上旬至中旬，側旁仲種有紫玉蘭、桃花、梅花等等。
這公園除了有櫻花外，亦有各種花草植物欣賞，還可以放風箏既好地方，更可在海岸旁踩吓單車，仲有行吓香港回歸紀念塔，望望吐露港景色，看海感受吓海風，很舒服啊，疫情期間無咩地方好去，行吓公園賞吓櫻花都不錯呀。
