番薯含有膳食纖維、胡蘿蔔素、維生素A、B、C、E以及鉀、鐵、銅、硒、鈣等10餘種微量元素，營養價值很高，被營養學家們稱為營養最均衡的保健食品。紅肉番薯含豐富的胡蘿蔔素，能保護細胞免受「自由基」侵襲，減低患癌機會和延緩衰老，增強免疫力。並含有豐富粘多糖和膠原，能預防肝、腎臟中的結締組織萎縮、保持消化道、呼吸道及關節腔的粘膜潤滑、維持皮膚、心血管彈性。番薯含豐富亞油酸和纖維素，除能潤腸通便外更有助清除血管中膽固醇，防動脈硬化和血栓形成。它的纖維素和澱粉除使大便成形易排外，有預防結腸癌的作用。番薯又稱紅薯或地瓜，基本上白心，黃心，紅心同紫心番薯的營養成分係無分別，不過，若想攝取多些B-胡蘿蔔素及維他命A，最好選紅心或黃心番薯，紫色番薯就有豐富的抗氧化物[花青素]，對心血管有保護作用。
番薯的製作可水煮、煲、蒸、焗、又可煨、更可切片沾粉油炸、曬乾作小食、還可磨粉作糕點、澱粉、甚至可造酒和醋。亦可做番薯飯、番薯粥、拔絲番薯、番薯批、番薯切塊，加入生薑和糖同煮的番薯糖水，實為一道很好的甜品。
番薯五大好處 :
1) 減肥
食物肥唔肥，主要睇佢既熱量，一小個番薯(約150g )有115卡路里，相比一碗通粉有140卡路里，一平碗飯就有200卡路里，絕對係最少果個，番薯含大量纖維，食少少巳感飽肚，而且佢可以令血糖穩定上升，延長飽肚感，用來頂肚一流。
番薯熱量低又易飽肚，因此數年前台灣同日本都興起過食番薯減肥，就連劉嘉玲亦係一個訪問中講過曾食番薯減肥，方法係朝早五點半食一碗飯，兩個小番薯，兩種菜，但不吃任何肉類，一個月食四次，持續半年，佢既體重就由59kg減到45kg ，足足瘦了14kg(即30磅)，佢話用呢個方法減肥，不單唔容易肚餓，去廁所亦暢順好多。
2) 排毒
番薯係蔬果中纖維王，營養師手上的番薯就有約7.6克纖維，佔成人每日需要纖維量3成左右，纖維豐富的食物有助腸道蠕動，減少食物中有害物質留在腸道內的時間，令毒素盡快排出體外，減少便秘情況之餘，仲可以預防大腸既病。
3) 預防上呼吸道感染
番薯含大量維他命A，對上皮膚呼吸系列有保護作用，可以預防肺部及上呼吸道感染，平日食多點番薯，就連患傷風感冒都會少一點呀。
4) 保護心血管
番薯含大量B-胡蘿蔔素，荷蘭大學醫院研究人員發現，女性若能攝取大量B-胡蘿蔔素飲食，膽固醇堆積在頸動脈的危機便可減少16%。
5) 平衡皮膚油脂分泌
B-胡蘿蔔素仲可以平衡油脂分泌，預防皮膚乾燥，所以踏入秋冬時份，容易皮膚乾燥的人士最啱食番薯啦！
(這是在 Yahoo blog 的舊作)
