踏入農曆八月是結婚既好日子，9月17日係我二哥大女兒出嫁，我早在年頭已承諾為她結婚當天，負責所有需要既花花全部製作，原來好不簡單呀，在這幾個月來，用了很多時間在網上，不斷地周圍搵花束既款式樣本，俾姪女參考及選擇，她喜愛用高貴既『蕙蘭』做主花，最初是想用水滴型款式，到上兩星期約了她們食飯，要落實選用既款式，最後她聽了我提意，選擇了法式手捧花，因現在是流行法式花束，約以10吋既圓形露腳款，其實是較適合東方女性身材使用啊！
上星期放假，先製作可以做定既仿真花，伴郎及兄弟們既襟花，伴娘及姊妹們既手腕花，花女們既絲花頭飾，花車車頭、車尾、四隻車門既網紗及絲帶蝴蝶結等等；到了結婚前一天，早上十點已去到花墟先行了一圈，睇準需要既十多種花材及價錢，再逐一選購，嘩…在店舖來來回回走動多次，原來都需要成三小時，返家開工已是兩點幾了，『蕙蘭』較麻煩是要先處理，我雖然識整花，但不是專業嘛，製作時不太滿意及不太順利，所以用了很多時間，晚上總算搞掂花束，新郎及主婚人襟花，先叫新郎哥取走，繼續搞埋其他迎賓襟花及頭花，完成晒已經十一點多呀，搞了成日，真的好攰呀！
姪女結婚當天，至親當然一早去啦，拎埋其他襟花及頭花到場，等待新郎來迎接漂亮既新娘子，等到他們來了，人多多熱熱鬧鬧，姊妹們玩了班兄弟新郎一大餐，之後當然要斟茶俾各長輩啦，哈哈…我都有份飲架，完成晒儀式，大家一齊去附近飲茶，之後散水，各自返家休息一陣；五點幾去酒店參加晚宴，是晚一切進行都很順利，律師到場簽訂賣身契，非常熱鬧，一對新人十分開心興奮，準備多時既時刻，好快就完成過去了，在此祝福姪女及夫婿，新婚快樂，永結同心，相親相愛，執子之手，與子偕老，恭喜恭喜！
(這是在
Yahoo
blog 的舊作)
