燻蹄與拍青瓜雲耳



夏天到了,天氣熱無咩胃口,想食點冷盤類既食品,燻蹄就是多數人會喜歡之餸菜之一,酸酸地好開胃,能夠做到一道酒樓可以食到嘅餸菜,其滿足感都相當之大呀,我仲整了拍青瓜及雲耳,好開胃呀!

燻蹄食材:

急凍鹹豬手一隻

蘸醬汁:

米醋 2 湯匙

魚露 1 湯匙

紅蔥頭 1 顆切碎

蒜蓉 2 顆切碎

幼鹽半茶匙

砂糖 2 茶匙

凍滾水 1 湯匙

紅辣椒 1 隻切碎 (不吃辣可不用)

煮豬手料:

薑 3 片

雞粉 1 湯匙

鹽 1 茶匙

米酒或紹興酒 1 湯匙

做法:

1. 豬手解凍後用水清洗,將清水煲滾,豬手加薑片汆水15分鐘備用。

2. 用凍開水將豬手浸10分鐘放涼,再煮另一煲滾水,放入已出水的鹹豬手,用雞粉、鹽、酒用中慢火煮約50-60分鐘,用筷子插入鹹豬手最厚肉的部份,測試是否夠腍,筷子能插入即可。

3. 將鹹豬手取出後,用凍開水或冰水浸至內外冷透,用廚房紙抹乾,用小刀在中間切一刀到骨,沿骨邊慢慢切出來,肉不要切斷,將豬手起骨。

4. 然後取一張保鮮紙,放上豬手肉,慢慢將豬手捲好,用保鮮紙紮實,再加多2至3層保鮮紙,直至完全紮實為止,紮好的豬手放入雪櫃內雪一日,雪得夠凍,燻蹄會更容易切,切得夠薄夠均勻。

5. 將所有蘸燻蹄汁料拌勻,將豬手從雪櫃取出，解去保鮮紙，切片、上碟,可配蘸燻蹄汁食用。

*********************************************************************

拍青瓜材料：

溫室幼青瓜 4-5 條

 

調味醬汁:

鎮江醋 3 湯匙

生抽 1 湯匙

魚露少許

麻油適量

糖 1.5 茶匙

炒香芝麻少許

辣椒絲少許

蒜蓉 1 茶匙

做法:

1) 青瓜間開刨走些少皮，切開兩邊，去走核，用刀背把青瓜拍一拍，切成小塊。

2) 加入鹽醃一會，沖洗去鹽份瓜水，抺乾水份。

3) 調味料拌勻，將青瓜上碟醃一會，便可食用(或雪凍更爽口美味) 。

4) 如要加雲耳，先將雲耳浸軟，滾水中酌4-5分鐘，凍水中放涼，隔去水份，用拍青瓜調味醬汁拌勻一會，就可以食啦。



楓糖杏仁千層酥

簡單易做既 [楓糖杏仁千層酥]，食起來香脆層次分明，甜美的楓糖，及齒夾留香的杏仁脆片，堅果的香氣令千層酥更顯味覺層次豐富，自奉及送禮都適宜，因好味又鬆脆，是好受歡迎的手作禮物呀！

材料 (約18-24件)：

急凍千層酥皮 (Puff  Pastry) 1大方塊

杏仁片適量

幼砂糖適量

楓糖漿適量 (或蜜糖)

全蛋液半隻

做法：

1. 焗爐用180度預熱,取出一塊酥皮攤平(無需解凍)。

2. 在酥皮掃上一層的蛋液,均勻撒上砂糖。

3. 切成 6 等份長條,再橫切開幾格。

4. 再舖上杏仁片,用手將杏仁片輕輕按壓緊貼一點。

5. 將每片長條杏仁酥皮,放入有不沾布的焗盤中,周邊要保持有間隙,用 180 度烤焗約 14 分鐘。

6.見酥皮澎漲發起上色後,將酥皮取出,快手每件掃上一層楓糖漿或蜜糖(用水稀釋),再繼續烤焗 3-5 分鐘即完成了,放涼後會變鬆脆,可食用或入盒。

小提示:

A.    酥皮不需解凍,在冰格拿出後,必須快速操作,如果退冰,酥皮會變軟,不好操作及不易澎漲發起。

B.     幼砂糖可以多撒一些,味道會更香甜。

C.   如果沒有楓糖漿,可以用蜜糖取代。



砂鍋雲吞雞

砂鍋雲吞雞，在外面食都唔平，自己動手整其實好易整咋，但有無發覺屋企整既雲吞雞，個湯點都唔多似上海食肆既湯，出來係奶白色呢，而且雞又無人地整得咁嫩滑，點解呢？等我幫你解開呢個謎團啦 ~~~

材料:

冰鮮雞半隻 (或雞肶 2 隻)

雲吞 10 隻

娃娃菜 2 棵  (或小棠菜)

無糖豆漿 300 ml

金華火腿 6-8片

清雞湯 250 ml

 

做法:

1)   金華火腿及雞分別出水備用。

2) 娃娃菜洗乾淨備用。

3) 用一碗清水，放清雞湯煲滾後，放入雞及金華火腿用中慢火煲大概半小時。

4) 煲到雞肉腍及火腿出味後，加入豆漿再繼續用慢火煲約半小時，熄火取出雞，可以輕易撕開成雞絲，即可去除骨不要。

5) 臨食時加入雲吞，開火煮熟。

6) 最後再加入娃娃菜，菜熟了，加鹽，熄火，可原煲上枱食用。

 

溫馨提示:

1) 人多食用一隻雞做，其他要加一半份量。
2) 懶得包雲吞，可以買現成做。
3) 菜類亦可改用小棠菜，娃娃菜較甜及好味。
4) 不一定要用砂鍋做，用邊爐煲或其他煲都可以做!