飲啤酒啦喂 !! 大家食晚飯或宵夜，通常都會飲杯啤酒， 呢一杯係唔會倒瀉既偽啤酒呀，大家估唔估到係點整既呢？
其實係以蘋果汁做既啫哩凍，味道又真係唔錯，用純蘋果汁做又較健康，連埋佢啲泡泡一齊食，口感又幾特別架，在炎夏食啲冰凍甜品真係一大樂事，如果大家有興趣都可以試整吓，呢款製作簡單又易整，又幾有趣，係大人小朋友都會喜歡既甜品呀！
材料：
純蘋果汁 1000g
砂糖 45g (可加多或減少)
魚膠粉 18g (用 35g 凍滾水開勻)
做法：
1. 魚膠粉用 35g 凍滾水開勻，再用熱水坐溶。
2. 蘋果汁及砂糖用小火煮熱稍微熱，砂糖溶化後就熄火，倒入魚膠粉水拌勻。(蘋果汁煮熱後是會變得較酸)
3. 先留起 240g 溶液，用暖水坐住免凝固，是留作打啤酒泡泡用。
4. 蘋果溶液放涼後，倒進透明啤酒杯或水杯中，不要太滿，大約 2/3 就可以了。
5. 放入雪櫃普通格先雪約 45 分鐘，稍為凝固。
6. 蘋果啫喱己有少許凝固後，就可以將留作啤酒泡泡嘅溶液，用打蛋器打至起泡，泡泡打得愈多愈好。
7. 之後將泡泡輕輕手，用匙放進已凝固的啫喱上面。
8. 再將蘋果啫喱凍放回雪櫃，再約雪兩小時後，就完成了。
德國咸豬手的做法不算困難，但需要係時間，而豬手的肉質嫩滑，外層可做到又脆又煙韌。原隻急凍咸豬手買回來，不用再下調味醃製已有咸味，省時又方便，派開對聚會或節日，都是不錯既食品，送酒食更佳呀。
材料 :
急凍咸豬手一隻
香葉 5-6 片 (月桂葉)
白胡椒粉 1 茶匙
白醋 2 湯匙
雜香草碎 2 茶匙
德國黑啤 500-600 ml
黑胡椒碎 1 茶匙
拌菜 : (可按自己喜好選擇)
薯仔 2 個
甘筍 1 條
蘑菇 6 粒
(將蔬菜類切成小塊，放碗內，加入油、鹽及黑椒粉等調味撈勻。)
做法 :
1. 急凍咸豬手解凍，放入一鍋滾水內 (水要蓋過豬手) 。
2. 加入香葉、白胡椒粉及白醋，用中火煮約 45 分鐘。
3. 取出後用廚房紙印乾，用叉在豬手表皮刺出小孔後再印乾，在通風位置吹 15 分鐘。
4. 豬手放入膠袋內，倒入適量德國黑啤，覆蓋豬手表皮，浸 20 分鐘 (途中將豬手反轉面一次，按摩一吓) ，預留少許啤酒掃面用。
5. 預熱焗爐 220℃
6. 將豬手放在烤架上，灑上黑胡椒碎及雜香草碎，放入已預熱焗爐烤 45 至 50 分鐘，至外層香脆 (途中約 15 分鐘時取出一次，掃上一層黑啤，再放回焗爐)。可將蔬菜類小塊放在豬手旁一齊烤焗。
7. 豬手焗完後，取出原隻或切件，配上蔬菜類拌食更佳。
