原隻菠蘿蝶豆花海鮮炒飯

原隻菠蘿中蝦炒飯已做過，今次改變一吓材料，用蝶豆花水煮飯做底，佢既功效如下：能滋潤眼睛、修護眼睛黏膜、預防白內障、有助入眠、利尿、利於排泄、含抗氧化劑、抵抗癌症、養顏美容、降低血糖、提高免疫力、幫助溶解血凝塊、促進血液循環。而且可以幫助和促進皮膚的彈力和骨膠原，同時還具有補腦，促進腦的活力，防止胃痛、抗憂鬱、抗壓力、緩和情緒、滋潤頭髮，使頭髮烏黑亮澤，是天然保健的功效；蝶豆花中的天然藍色素，也是有療效的，如果將其加入檸檬並調製成花茶飲品，就是保健心臟血管的絕佳飲料。用佢配上有獨特香味既牛肝菌及雜錦海鮮，有特別既顏色，令到個菠蘿炒飯味道又有不同感覺啊！

材料：

原隻菠蘿 1 個  (半個果肉切粒)

蝶豆花約 10-14 朵  (焗水)

牛肝菌 幾片 (浸軟切粒)

蝶豆花飯 2 碗

急凍雜錦海鮮 半包

中蝦 6 隻

帶子 8 粒

紅/黃椒少量  (切粒)

雞蛋 1 隻

蒜頭 2 粒  (切碎)
蔥粒適量

調味料：

紹興酒 1 茶匙

砂糖 1 茶匙

鹽少許

胡椒粉 1/4 茶匙

麻油少許

蒜鹽適量

做法：

1.  先將蝶豆花用半杯熱水焗到藍色出現，加半杯凍水備用。

2.  一量杯米洗後，用蝶豆花水做米水煮飯，加入牛肝菌，煮好飯盛起放涼。

3.  將蝦去腸，雜錦海鮮及帶子洗淨後用紹興酒、鹽、砂糖、麻油及胡椒粉醃 15 分鐘。

4.  將原隻菠蘿切開大半邊，用刀小心取出果肉，切粒備用，保留菠蘿外殻，取走菠蘿內既果汁。

5.  用中火燒熱鍋，加油，放入蒜蓉爆香，加入中蝦、雜錦海鮮及帶子、紅黃椒炒至半熟盛起。

6.  加油後，加入蝶豆花飯炒至鬆散，放蒜鹽調味，再加入蛋液炒勻，直至飯粒裹上蛋漿。

7.  加入菠蘿粒、加入中蝦、雜錦海鮮及帶子、紅黃椒、及蔥粒炒勻。

8. 將炒飯放入已挖空的菠蘿殻中，完成了。

懷舊夾餅 (曼煎糕)

懷舊既夾餅，香港已買少見少，極少見有售賣，所以好多人想食就要自己整，其實做法都好簡單易做，我都來試做一吓，效果都可以啦，否則要去星馬一帶食啦，但佢地既餡料就略有不同，比較豐富啊！

2 件材料：

麵粉 165 g 

水或牛奶 200 ml

細雞蛋 2 隻

酵母 1/2 茶匙

梳打粉 1/3 茶匙

糖 40 g

餡料 ：

炒香花生碎 30 g

砂糖 30 g

做法 ：
1.  首先把雞蛋和糖放入牛奶或水中，攪拌均勻讓糖溶化，然後加入已過篩的麵粉、梳打粉及酵母。

2.  將所有材料完全攪拌均勻後，用保鮮紙蓋住，讓麵糊靜置發酵 30 分鐘備用。

3.  用中小火燒熱不沾平底鍋，加入微量食油，可用廚房紙掃勻，然後倒一半麵糊入鍋中推開成圓形，加蓋用小火煎約  1-2  分鐘，開蓋見到表面上有小窿窿仔，用牙籤試吓是否已熟。

4.  上色而且帶脆脆就可以取出，灑上砂糖及花生碎 (喜歡可抹上少許的牛油)，對摺切開，就大功告成了，取出趁熱食用。