又食魚宴

南海油田區

 在南海油田旁既釣魚船

黃鰭吞拿及章紅魚生

椒鹽魚皮

紅燒頭腩

好大窩魚湯

湯渣都好味

炒章紅魚球

前幾日blog友ben 哥來電，話約了幾十人星期日食『南海油田』既魚宴，問我有無朋友想食，想起我有個同年同月出世就識到依家既死黨，她亦是愛魚如命，我未搵過佢食喎，問佢有興趣嘛，佢話乜有些咁既魚宴咩，未食過喎，一定要見識吓啦，原來身邊係有不少人都係愛食魚嘅！

那晚不算太多人，只有五圍酒啫，主角係黃鰭吞拿及章紅，嘩.....好多盆魚生，魚生是要在日本料理開了拿到中式酒樓來囉！愛魚既其他人見到魚生當然嘩然好開心，魚生我不太喜歡，只食了五塊，仲有其他我都唔多知道係咩魚，唔理啦係咁食算吧，仲加了酒樓既小菜添，加埋咁多樣野，份量實在太多喇，個個食到捧住個肚，有好多都食唔晒，有人話不要浪費，不如打包喎，個個話都好呀，跟住就各人都取盒打包，個個又食又拎，肚滿腸肥，連魚生都有得取走，我朋友都要了章紅魚生，但我就全部都無要，真辛苦晒班釣魚哥哥們去咁遠釣大魚囉，我地就只係出錢，舒舒服服在酒樓坐享其成，淨係識食，在此說多幾聲多謝佢地啊！

(這是在 Yahoo blog 的舊作)

抹茶紅豆芝士凍餅

上次去朋友家中一齊睇書做亞茂，整了鬆餅及以下既芝士凍餅，但效果唔多好不太凝固，無咩理由唔得喎，查明原因，原來我地掛住傾偈，朋友落錯份量，所以我昨晚再來做一次，今次好成功啦，好creamy，仲好好味啊！

(6吋)餅底材料：
消化餅 60g (約4件)
牛油35g

餅底做法：
將消化餅壓碎，牛油坐溶混合餅碎，壓實在餅模底內，入雪櫃最少一小時後，取出備用。

餅餡材料 :

忌廉芝士 250g (室溫軟化)

蛋黃 2隻

砂糖 60g

牛奶半杯 125g

魚膠粉1湯匙 (用2湯匙熱水開溶)

綠茶粉1湯匙

鮮忌廉半杯 125g (打起)

日本罐裝紅豆 75g

粟粉半湯匙

做法：

1) 蛋黃,糖和粟粉混合打成忌廉狀。

2) 綠茶粉和牛奶煮至溶解,慢慢地加入蛋黃混合物,回置爐上煮至濃稠。

3) 忌廉芝士打至軟身,徐徐加入綠茶吉士攬至幼滑,倒入魚膠粉水中。

4) 加入己打起的忌廉和紅豆。

5) 紅豆,餡料倒在餅底中,放置雪柜中約6-8小時至凝固。

6) 取出可篩上綠茶粉飾面,打起鮮忌廉,紅豆茸或加入朱古力作裝飾, 完成。



(這是在 Yahoo blog 的舊作)

石板街 & 抹茶紅豆雪糕

我之前同老師買了一大盒特平既 cream 放在雪櫃都好幾個月，遲遲都未敢開來用，上次整忌廉蛋糕終於開啦，用了200ml，仲有好多要分幾包，因開了就要入冰格，都好佔冰格位喎，聽朋友講整了雪糕，佢話好鬼易整呀，不需用雪糕機，好有興趣喎，我立即在電話中聽了她講述材料及做法，哈哈，正好又可用了那些忌廉，我將部份材料改動了，分開時間做了以下既石板街及抹茶紅豆雪糕啊，十分易做，味道仲唔錯添，雪糕做法係好多，呢兩款只係其中簡易做法，最緊要唔需要買雪糕機吖嘛，夏天到啦，係最合時候食啦！

(石板街雪糕)

材料：

鮮忌廉 250g

蛋白 2 隻

糖霜 3 湯匙

可可粉 2 湯匙

細粒棉花糖適量

朱古力碎適量

果仁碎適量

做法：

1) 鮮忌廉用打蛋器打發至企身，拌入可可粉，放入冰箱冰格內冷藏至半凝固約 30分鐘，取出用叉挖鬆。

2) 蛋白加糖霜用打蛋器打發至滑身及企身，拌入忌廉內，放入冰格內冷藏一會，取出加入棉花糖及朱古力果仁碎攪勻，再用叉攪拌，重複此步驟 2-3次，再入冰格內冷藏最少一天，冷藏多兩天最好，咁就完成可收工等食啦。

(抹茶紅豆雪糕)

材料：

鮮忌廉 280g

維記鮮奶 220g

砂糖 50g

紅豆粒 1 罐隔水 (如紅豆有糖,糖可要減少)

抹茶粉 2 湯匙

蛋黃 2 個

這是另一整法,做法程序同上差不多,只是材料有些少不同啫！



(這是在 Yahoo blog 的舊作)