DIY曲奇皮蛋撻

曾經學過整蛋撻，但自己到依家都未造過，突然間又心癢，不如試吓整先，第一次整跟足老師既材料及傳統造法，香噴噴既出爐蛋撻，都算唔錯噃，多謝馮 Sir 教導！

撻皮材料(正常Size 8個):

餅粉    135gm

雞蛋    半隻

砂糖    40gm

香精    少許

牛油    70gm

吉士粉  1茶匙 (增加香味,可以不用)

工序:

1.  篩勻餅粉 2 次

2.  在枱面把糖混入牛油後,用手及膠刮片搓勻至糖溶及變為淺色,(亦可用機打至淺色)

3.  分2 次加入蛋漿

4.  加入幾滴香精,搞勻變白

5.  混入餅粉,用手搓勻搓成粉糰後,放入雪櫃最少一小時以上

6.  撻模內塗油備用

7.  取出粉糰,如太硬可加入牛油搓番軟身,分為 8 份球型

8.  將圓球搓圓壓扁套入模內,以拇指將撻皮壓入,直至完全貼住撻模，撻底皮不可太厚

9.  全部位置壓平均後,用叉剌小孔,將撻皮放入雪櫃雪約30分鐘至硬身,防焗時收縮。

蛋撻水製法：

水 180 克

蛋 2 隻

花奶 60 克

糖 50 克

1. 熱水及糖先開溶,凍後加入花奶及蛋攪勻

2. 攪多一會,將雜質及蛋泡隔走

3. 先預熱焗爐約10分鐘,蛋撻水倒入撻模至八成滿

4. 放置最下格250度上下火焗15分鐘,轉上火焗多8分鐘,時間要執生,完成。

小貼士 ：

如蛋漿外圍熟但中心未凝固，可將爐溫較至0度，用爐內餘溫多焗五分鐘。

可以用牙簽插入蛋汁，牙簽可以自己竪立起來，蛋即是熟透。



(這是在 Yahoo blog 的舊作)

維園花展2011

本年度在維園既花卉展覽由 3月11至20 號展出，主題花是色彩奪目的「報春花」，約有五十個多個不同品種、越五萬株在會場展出，連同其他各地花卉數量更多於三十五萬株，入場費用是14元。

朋友約我在第一日去欣賞，佢話第一日最好，花會係最新鮮喎，食晏後我倆開始入場，見到好多男女拍友，拿著長短火相機及腳架，細心地影每種花既嬌姿；看了很多美麗的花花草草。有的砌成樂器，像是小提琴、鋼琴、結他、笛子等；有的砌成音符，像是高音譜號、低音譜號等；更有的砌成像個正在玩樂器的動物呢！其中讓我最深刻的是用紅色花朶砌成的鋼琴，好靚呀...在綠油油的青草襯托下顯得更悅目和高貴。

我們還看到了跳舞草，不過我觀察了很久，也察覺不到有些少的動靜，可能它根本就唔識「跳舞」，人們也在議論紛紛呢，但朋友話睇到佢郁了一次喎！

今年花展的安排都幾好，在場地的佈局，周邊的設施也有為市民著想，但如果下年的造形有更多的變化就更加好了，兩旁有好多花檔賣盆栽花及種子等等，我朋友買了幾款種子，我就無收穫，睇到晚上差不多七點便離開去開餐喇。

 

 



(這是在 Yahoo blog 的舊作)

東部華僑城day 2 (茶溪谷)

拉上拉落既纜車,山又高又行得快,好驚驚囉

坐火車睇風景好爽呀

到達茶溪谷既茵特拉根站

濕地花園地方好大,行到腳仔軟啊

 好勁呀!用「太空種子」種出150公斤勁大既南瓜

鸚鵡仔識玩人架,佢啄我呀

見到啦! 呢度就係四季花田

四季花田旁,有山有水,好靚好舒服呀

 

見到好多對新人,在四季花田影婚紗相

 上面是花鐘教堂

呢處就係茶翁古鎮

地方咁大,我們每人用30蚊人仔,坐電平車遊覽6個大站區

好多茶田園

茶園中竟然有幾個桃花林啊,全部開晒花出埋葉好靚呀!

竹樂谷既竹林,拍古裝片就最啱啦

茵特拉根小鎮

茵特拉根花街,因為係兔年,花車都有兔仔

成二千幾蚊一晚,小瑞士式建設既茵特拉根酒店

茵特拉根酒店前有湖景

真係有點似,瑞士既琉森呀

茵特拉根酒店大堂好豪華

多功能大劇院,睇[天禪],睇要60-80蚊架,時間唔啱我們無睇囉

介紹多點東部華僑城既資料俾大家知啦！它是由華僑城集團投資30億元興建的大型綜合生態旅遊區，位於深圳市東部黃金海岸大梅沙、三洲田片區，佔地面積近9平方公里，是一個超大型、複合型和互動型的全方位生態體驗旅遊區。以[讓都市人回歸自然]為宗旨，在山海間巧妙規劃了一系列獨具文化韻味、主題鮮明的旅遊項目，包括：三谷（大俠谷、雲海谷、茶溪谷）、三鎮（茵特拉根小鎮、海菲德小鎮、茶翁古鎮）、三街（海菲德天街、茵特拉根花街、藝術大地的濕地水街）、三部落（雲中部落、天禪之旅、花鐘教堂），使生態資源得到合理永續利用，使人與自然和諧共處。

東部華僑城不是歡樂谷那類的遊樂場，完全和歐遊一樣，要慢慢地欣賞，佔據了幾個山頭的它，就連吊車、火車、纜車也夠你坐個飽，最後還要坐纜車、火車才能由巨石廣場到達茶溪谷，車費係全免，因為單是票價已經要二百元人民幣啦，中國的遊玩地方給人的印象是價廉物美，不過東部華僑城的票價就偏貴了，偏貴的不只是票價，酒店的收費亦相當驚人，二千多元一晚都有，不過那兒有間 Cyber 式的酒店，房間異常之大及很有未來的感覺，不過亦有幾百元一晚既普通酒店呢，現還有好多新項目興建中，過多一兩年去會更加多野玩呀，仲有可買座天麓別墅大宅渡假添囉。

大俠谷：

大俠谷俯瞰深圳東部黃金海岸線，集山地郊野公園和都市主題公園于一體，體現生態動感旅遊文化。包括：海洋之心，大俠谷天街，黎明營地兒童樂園、峽灣森林，發現之旅，雲中部落等六大主題區。

茶溪谷：

體現中西文化交融並兼有“茶、禪、花、竹”等主要元素，包括茵特拉根小鎮、茶翁古鎮、三洲茶園和濕地花園四個遊覽區，融合了西方山地小鎮的風情、茶禪文化的特色、嶺南茶田的幽雅和濕地花海的浪漫，讓都市人遠離喧囂，從容享受大自然。

茵特拉根：

取材於歐洲阿爾卑斯山麓茵特拉根的建築、賽馬特的花卉、謝菲爾德的彩繪等多種題材和元素，實現了中歐山地建築風格與優美自然景觀的完美結合。溫馨的主題街區、古老的森林小火車、典雅的渡假酒店、礦泉SPA、多功能劇院、水上高爾夫、網球館等，在山谷間創造出一個美得像童話世界的山地小鎮。

景色係相當靚，那兒正是個拍婚紗照既好地方，當天已見到好多對新人在四季花田及茵特拉根小鎮影結婚相啊；當然，任何事物都不是絕對的，有人讚，也有人彈。曾聽過人對東部華僑城的負面評價，如收費昂貴，服務質素較差，燒雞翼及荳腐花也要10蚊，食店五點幾已全部關門大吉，晚上要食野既要在酒店內搵食，我們也有同感，佢有硬件，但軟件未能配合到，國內人真的有排學習啊… 不過，天下事物無完美，太陽上也有斑點，若以平常心看問題，我們只花費兩天時間，便能走馬看花地遊覽了東部華僑城的核心景區，也算是心滿意足了。

(這是在 Yahoo blog 的舊作)