荷蘭花卉小鎮 & 洪湖公園遊

以下係蓮花盛放時既景象，在網上搵些靚相俾大家睇睇

前幾日與友友參加了一個超值既深圳、東莞一天純玩團，團費係9蚊雞，仲包中午食一餐，只加服務費50元，非會員另加10蚊啫，雖然行程不多，但玩一日都好抵呀！

去了深圳南山花卉世界，現在已改名為『荷蘭花卉小鎮』，經過改裝，以荷蘭屋式設計，成為靚靚既酒吧、食店、特色店及花卉市場，都幾舒適特別呢！

東莞既華南購物城，超級大呀，行了兩個鐘腳仔到軟，有好多店舖都已摺埋，可能偏遠及人流不足啦；最後到了深圳既『洪湖公園』賞荷花，公園好大呀，總面積59.15萬平方米，其中湖既面積26.69萬平方米，是廣東最大既蓮湖，蓮花盛放於每年六月至七月初，園內種有繁花芳草，柳樹成蔭，小橋濕地，亭台樓閣，景色怡人。

荷花是公園的主題花卉，數以栽種面積大和品種多著名。園中建有全國最大的詠荷碑廊，還有大家樂舞場，兒童遊樂場，游冰池，健身樂園等休閑等等設施，可惜我們現在才去，荷花已差不多開晒，葉都已枯黃，只有很少荷花見到，盛放時係好多拍友特地去拍攝荷花爭妍鬥麗既美態呀，有機會等荷花盛開時，再慢慢去欣賞啦。



(這是在 Yahoo blog 的舊作)

久違了的椰汁馬豆糕

近日天氣仍然是炎熱，很想吃點凍冰冰既甜品，又不想搞太麻煩既野，家中有一包有機黃豌豆(馬豆)，在十多年前，我只整過一次既椰汁馬豆糕，係時候再來做一次啦，這糕製作簡單易做，香滑、清甜美味又有口感，再整呢款那是最適合不過了。

材料:

馬豆 100 g

椰汁 1 大罐 400g

花奶 1 小罐160g

粟粉 170g

水 5杯 (約1250 ml)

大菜 10g

砂糖 280g

做法:

1) 馬豆洗淨浸約一小時後，最好凍水落，水滾後打開蓋煮約25分鐘，然後熄火，加蓋焗約10分鐘，煲焾馬豆隔去水份備用。

2) 椰汁，花奶開匀粟粉無粒粒。

3) 大菜用水沖洗乾淨，浸軟備用。

4) 水煮滾加大菜及糖煮溶，慢慢加入已開匀之粟粉，火不能太滾，用篩篩入，隔去多餘粉粒，不停地攪拌直至煮滾同杰身，然後加入馬豆再拌匀，小心容易會燶底。

5) 倒入已用冰水搪過之模盆中，凍後放入雪柜，數小時後可切件進食啦。



(這是在 Yahoo blog 的舊作)