椰汁及雜果班蘭涼粉

夏天又來了，想整一款清甜又有班蘭香味的涼粉食吓！食時加入濃郁的椰漿，味道像椰汁班蘭糕，另外會加入雜果，口感似食蒟蒻咁 QQ 彈牙，簡單又易做，大家都可以試整吓，這款透心涼既夏日甜品啦！

材料：
班蘭葉 3 片 + 清水 180毫升打成

白涼粉 50克 + 清水 180毫升

砂糖 80克

清水 550毫升

椰漿及雜果隨意

做法：

1. 將班蘭葉清洗乾淨，剪成小段。

2. 將班蘭葉與 180 毫升的清水，放進攪拌機打爛，然後將班蘭汁過篩，提取 160 毫升的班蘭汁 (如不夠 160 毫升可加點水)。

3. 將 160 毫升的班蘭汁倒進煲內。

4. 加入砂糖，再加入 550 毫升清水拌勻，然後用細火將溶液煮至滾起。

5. 倒入白涼粉溶液（預先將 50 克的白涼粉與 180 毫升的清水混合拌勻）。

6. 直至溶液再次滾起，就可以熄火和放涼。

7. 放涼後，放入雪櫃雪 2-4 小時，口感更 QQ 彈牙。

8. 取出，可加入適量的椰漿或雜果，更豐富及美味。

節果決明與魚木花 (2023)

“節果決明”又名花旗木，又稱泰國櫻花，春天繁花盛開，屬蘇木科，原產地是熱帶亞洲，一般於初夏開花。中環紅棉路旁美利酒店前身為政府建築物美利大廈，現址美利酒店的停車場，有一株屹立百年的節果決明古樹，樹幹直徑逾 1米，高 17米，屬珍貴或稀有品種，具有文化、歷史或重要紀念價值。 

在大角咀櫻桃街公園，竟然被發現都有一棵節果決明蹤影在綻放，這種花在香港相當稀有，據說全港只有中環及櫻桃街公園有，罕有花種節果決明，每年花季在 4 至 5 月間，花枝上密集交錯淡粉紅、白色的小花，小花於 1 米長，近距離看淡雅淺白粉紅花朵密集交錯，形成一串串連綿不絕的花束，開花時多枝花串垂下，帶來了一片絕美的花海，頗引人注目。 

去年我也去了櫻桃街公園賞花，因早些未有時間去，遲去了，花已滿開變淡白色，有些已開始枯萎，睇不到佢既最美麗時刻，今年睇啱時間去了，串串密集粉紅花朵正綻放，真的好靚，公園有多棵魚木花樹大爆發、也有其他花卉樹木，有藍蝴蝶、雞蛋花、蜡菊、爆仗竹、繡球花、杜鵑、白蘭花、秋英、美人蕉等等，有時間都可在公園閒遊一吓，欣賞吓香港稀有既節果決明！