荷花吐艷在城門谷 - 2021

 

夏日賞荷，就會想起交通方便既城門谷公園，佢係賞荷花及影相發燒友必到既熱點，其實都去過多次，今次下午四點幾到達，因無咁曬又有點風幾舒服，公園內多處位置都有荷花及睡蓮池蹤影，荷花越種越多又高大，見多了複瓣品種在其中，因已晏男女拍友不太多；荷花正常在六月開放，今年一早開了，見好多已開了一轉，見蓮蓬已結了蓮子，見開了既花一般多，有些花蕾仲未開，常有風吹到荷花搖擺不定，影了一些相，周圍行了一圈，城門谷公園裡，除了有荷花外，還種了很多不同品種的花草樹木，夾道都是細葉榕，走在樹蔭下，有風好清涼，見拍友影完相坐下來休息一吓！

荷花：是中國十大名花之一，又稱蓮花，古稱芙蓉、芙蕖等等，是蓮科蓮屬多年生水生草本植物，中國是原產地之一。花期在 5-8 月，香港在 5-6 月最盛，花有單瓣、複瓣之分，色有深紅、粉紅、白、淡綠及間色等變化。人們熟悉荷花，原因在於它全株都是寶，有經濟價值，其葉有消暑作用，也是用作包裹「荷葉飯」與「糯米雞」的材料；其種子（蓮子）與其莖（蓮藕），蓮蓬及蓮芯可供藥用及食用呀。