增城蓮塘三英溫泉東莞兩天遊

前幾日去閒遊了兩日，主要去摘吓荔枝，在渡假酒店浸吓溫泉，賞吓荷花。

先到東莞食飯，之後到清溪鎮任摘任食荔枝，我們去既荔枝園是位於東莞市東南部，踏入荔枝當造的季節，今年荔枝大豐收，有糯米糍、桂味、淮枝、妃子笑、黑葉等品種，食桂味最多，大家攞齊工具跟員工去，學吓點樣採摘高處既荔枝，即摘即食，夠晒新鮮好味，幾好玩呀。

隨後驅車到廣州增城三英温泉渡假酒店，位於白水寨省級風景名勝區鄰近，位居羣山之中，融入大自然為一體，依山建設，環境清幽，空氣清新，每棟普通房間有露台及寬敞，另有幾十座單棟別墅房間，房間有獨立泡湯池，因地方大，去大堂主樓均有酒店電瓶車接送，重點是它擁有幾十個天然温泉池可供享用，亦有魚足療池，更有温泉水循环加热的韓式大理石板理療及蒸氣房，加上有個標準游泳池，一個頗大冷水泳池，另有一個頗大的暖水按摩池，還有淺水池及衝浪池，可算應有盡有，酒店自助晚餐及早餐食品款式，非常之豐富。 

最後景點係去增城既蓮塘村，欣賞蓮塘既荷花，先見一個蓮塘花開得不多，原來另外一邊那個蓮塘荷花就處處開，快速周圍影吓，可惜要走，無時間畀我再影了，途經掛綠湖可落車影張相，兩天既地方不算太遠，簡單輕鬆閒遊，又浸了兩次溫泉都幾舒適呀！