棉花糖啫喱卷

棉花糖啫喱卷，材料及做法都十分簡單，係捲既手法較容易失手，諗住雪耐一點會容易捲起，其實雪得太耐才捲，變得硬身了是特別容易爆裂，夏天做又較容易會溶，我第一次做，捲時都有爆裂，再試做雪得合時，輕手慢慢捲，那就成功了，啫喱卷不會太甜，係開派對都幾合適既甜品。

材料：
啫喱粉一盒 80g  (任何味道)

魚膠粉 1.5 湯匙

熱水 160 ml

細粒棉花糖約 40 粒或  (大粒約 8 粒剪碎)

做法：
1.  先用長形盆內舖上保鮮紙，將一整盒啫喱粉倒入小煲內，再加入魚膠粉。

2.  再加入一杯熱水拌勻 (量米用嘅 size 杯，大約 160ml 左右)

3.  細粒棉花糖一杯 (量米用嘅 size 杯一杯滿)，加入之後，最細火煮至棉花糖完全溶化。

4.  倒入另一個器皿內，用打泡器或打蛋器打約 3 分鐘。

5.  最好打起多些泡泡，因為泡泡越多，啫喱層與棉花層就會越靚，但不能打得過久。

6.  倒下啫喱棉花液在長形盆內，然後靜止約 5 分鐘，放入雪櫃雪至凝固，時間大約 45-60 分鐘左右。

7.  凝固後會發現啫喱層沉底，棉花糖層在面，先用牙簽沿四邊輕輕界一下鬆開。

8.  之後就慢慢向前一端捲起，要輕力慢慢捲，否則啫喱部分好易會爛，捲好後再用保鮮紙包好，放入雪櫃中雪多一陣定型。

9.  取出用牙線或粗線，放卷底再在上面交义式將棉花啫喱卷，一件件界開，就完成啦。(用粗線或牙線界開，較用刀切整齊)