雷公田、上下清潭水塘、河背水塘

 

路線： 錦上路西鐵站出→ 72號小巴→ 雷公田→ 大欖郊遊公園→ 途經甲龍古道→ 上清潭水塘→ 下清潭水塘→ 河背營地→ 河背水塘→ 河背水塘家樂徑→ 港版嵐山竹林→ 河背營地→ 河背村→ 71號小巴離開 

今次路線由「雷公田」站落車出發，往「雷公田村」方向走，先到雷公田鮮奶農場士多嘆杯牛奶或燉奶補給一吓，沿途經過「甲龍古道」入口，經「大欖涌郊野公園」，途經「甲龍林徑」，「石崗」燒烤場地，在路上有不少涼亭休息，沿途可遠眺欣賞到八鄕、錦田、石崗一帶的景色，下望亦見到港鐵八鄉維修中心；起步後約1小時便到達個細小秘景既「上清潭水塘」，有小瀑布及水壩，向前走不久便到達「下清潭水塘」，之後到達「河背營地」，於河背營地沿指示牌向上行，經過「青年協會有機農莊」，再行便到達「河背水塘」，河背水塘的 S 型九孔水壩甚具特色，更於 1998 年曾當選漁農自然護理處全港十大景觀之一，景色相當不俗，亦可行走環繞水塘的「河背水塘家樂徑」，行程時間約 45分鐘，家樂徑內部有一段路，兩邊全部都是竹，有港版嵐山竹林之稱，靚景拍照令人流連忘返，參觀完河背水塘後，便可原路下山返回河背營地，跟路牌繼續下行落「河背村」，在村公所位置，可搭 71號小巴，到元朗市中心或錦上路西鐵站離開。 

行程大約 9 公里，難度 1-2 星，行約 3-4 小時，一口氣可行走上、下清潭水塘及河背水塘三個水塘，全程水泥路、坡幅不大、指示清晰及有樹蔭遮蔭，無咩難度相當輕鬆，整體而言，此路線是一條景色優美，而且相當適合夏天，輕鬆合家歡行山既路線啊。😎