花開香滿園 - 沙田公園

春暖花開處處，植物花期是有佢既規律，香港燦爛的花期一般在 2-5 月中開放，特別是在公園中，總會讓人心花怒放，專程去了沙田中央公園，知道這裡係有紫藤花，因為 4 月紫藤花正是開花時候，但今年三個鐵棚都只得少許葉，一串串既紫藤就欠缺了，花蕾亦不見，聽正在工作既園丁叔叔嬸嬸講，呢幾個棚既紫藤種了都有廿多年，已是老人家，前幾年都開得好多好靚既花架，但無乜人留意到啫，今年可能雨水少無乜花，好難才搵到一細棵紫藤花，影了幾張相，就在公園中周圍逛逛，尋找別的花卉。

公園內其實有好多花卉樹木，例如 : 紫藤花、黃花風鈴木、宮粉羊蹄甲、比蒙藤、勒杜鵑、情人菊、玫瑰、朱槿、大紅花、睡蓮、還有好多不知名品種既花朵，春天裡繁花似錦，讓遊人目不暇給。

賞花之餘，亦可享受一吓幽靜城門河畔風光，有時間仲可租單車踩到大尾篤添，逛吓這個沙田中央公園係好舒暢，其實呢個公園我都有廿多年無入過去行了，黃昏降臨，係時候歸家去了!