泰國之旅2011年(1-2 day)

四面神(祈福許願)

曼谷市中心大商場 Big C



市中心經常大塞車

Centerpoint 大商場買土炮名牌Naraya 蝴蝶袋

湄南河兩岸

遊覽湄南河兩岸觀光船

鄭皇廟前既黎明寺

黎明塔高達79米非常宏偉

暹邏室內海洋世界水族館Siam Ocean World

水族館班企鵝仔在水底游得好快,無法影到佢呀!

重250噸，高約十層樓，純銅精雕而成三頭象神博物館

 

三頭象神博物館內第一層

老虎仔樂園

蠍子女王身上扒滿黑蠍子

珊瑚島上各式各樣水上活動

自費玩空中降落傘

 芭達雅 Tiffany's Show,人妖 show 後出來同客人影相

 門外同人妖影靚相,每次收40泰銖,睇Show中不准影相

住既其中一間 Mercure Hotel Pattaya 酒店

帝王古廟

全曼谷最高　BAIYOKE SKY HOTEL　在84層高既旋轉層影四周景色

BAIYOKE SKY HOTEL 外貌

BAIYOKE SKY HOTEL 內擺放傳統船仔

BAIYOKE SKY HOTEL內擺放傳統三腳雞的士

BAIYOKE SKY HOTEL內擺放傳統三腳雞車

 

 

 

 

2011年年初六出發去闊別了三十年既泰國，年輕時去是星馬泰一齊玩九天，其他國家咁多年中，有多處已重複再去玩過，好似同泰國無咩緣份囉，多次想再去都去唔成，今次終於成行啦，一切都好順利，吃喝玩樂都係唔錯嘅！

 (Day 1) 中午到達了泰國啟用二年多既新機場，當然變了好多，入到市區，好繁榮好多新穎既高樓商廈，曼谷最高那座 BAIYOKE SKY HOTEL有84 層高，有點似發展得好快既深圳咁，我們先去曼谷四面神(祈福許願)或可將麻雀仔放生，之後行吓附近既大商場，那年被紅、黃衫軍騷動而被燒毀既商廈，好多已經重建好，名店林立，非常熱鬧，導遊話呢個農曆年期間，國內既人差不多有一百萬人去泰國各地玩，佢地既消費，用一個字來形容【勁】，相比港人真係渺小啊！"泰國"土炮名牌 Naraya 蝴蝶袋好平好抵，買來當手信必係佳品，但實在太多國內人搶購，好似唔洗錢咁，貨物取滿藍，排晒大長龍俾錢，我地無時間等咁耐，無買到真可惜，晚餐在某酒店享用「老山東」食北方菜，跟住帶我們行曼谷熱鬧既夜市，好多野買及食品店多多，最多既竟然係 7-11便利店，一條街有幾間，價錢以當地來計都唔平，同香港差不多，之後返酒店入住。

(Day 2) 在酒店早餐後坐車到湄南河碼頭，坐長尾船遊覽湄南河兩岸，途中買麵包餵吓河中既大魚，係當地人放生在河中，跟住去到全新裝修之鄭皇廟，我們主要參觀前面有二百年歷史既黎明寺中的『黎明塔』，呢個黎明塔高達79米，非常宏偉，此寺最初建於大城王朝，吞武裏王朝的國王鄭信把這裡定為皇家寺廟。曼谷王朝的拉瑪二世（19世紀）在寺內修建黎明塔以紀念鄭信。塔身上嵌滿200年前的中國瓷器，當時從中國運來的瓷器碎片拼成的花草圖案，混合了中國和泰國文化元素，在陽光照耀下光彩映人，登上塔身半腰的平臺，可一覽湄南河沿岸既風景，但樓梯太企太直上落十分危險及難行，我只上到了一部份啫。

中午到「阿一鮑魚」富臨酒家豐富中式任食點心餐，呢間點心係唔錯，好多中國人都會到來飲茶，跟住去曼谷Siam Paragon 購物城，主要係去在商場地底既兩層，全東南亞最大之暹邏海洋世界水族館Siam Ocean World 睇魚，儲水量達300萬公升之海洋水族館、360度環迴大魚池、熱帶雨林展示區及超過3萬種海洋生物，仲睇到企鵝在水中點樣游水添，嘆為觀止啊。玩完返上地面那層，各高檔餐廳及大型超級市場，也有美食街及好多食品店及檔仔，呢座係高級大商場，物價都幾貴囉，太大了，一層都行唔晒就要走啦，晚餐我地去香港好多明星都去食既『娥姐私房菜』用餐，真係好好味，佢既冬蔭公、咖哩蟹、通菜係好有特色，無葉、青綠部份切成幼絲炒好爽口好正，其他都好美味，之後返酒店休息。

嘻嘻…其他既行程及靚相，要等下一篇再分解啦!

 

 

 

(這是在 Yahoo blog 的舊作)