Win Win 雲妮 ❤(｡◕‿-｡)❤: 德慶-自然生態三天遊

2008年3月26日星期三

德慶-自然生態三天遊

德慶- 金林水鄉

坐竹筏遊水鄉

盤龍峽－渡假村水上世界及溫泉區

薰衣草渡假小木屋及田園

竹制水車

賞星閣渡假別墅 (天花頂天窗可開關睇星星)

天窗睇到星星咪好正呢!

----------------------------------------------------------------------

復活節有四天假期，當然又想出外旅遊，今次我同朋友選擇去看看古蹟、感受大自然的景致及當地的風土人情既地方旅遊，而『德慶縣』西北面的『盤龍峽』及近『廣西』週邊的『懷集』既風景區吸引了我，賣點係山上有廣東省政府認證的十級以上瀑布旅遊區，景區內擁有大大小小飛瀑布一百多個，觀光生態旅遊景區，區內重巒疊翠、古樹參天、空氣清新；峽谷幽長、瀑布飛疊、流水淙淙，總之就景色一流。又引入了『日本富良野』的薰衣草，將山腳搖身一變，成為一個美麗的渡假村，亦有多款渡假豪華別墅及薰衣草小木屋群，還有水上世界玩及浸泡溫泉，整個『盤龍峽渡假村』非常之大及美輪美奐。

我們選擇了最貴的兩層高既賞星閣別墅，真好運呀，編排了我們住樓上，入到房一睇，好大間好靚呀，兩張雙人床超大張，真係誇張啊，六個人都夠瞓，又有露台，天花頂天窗係可以搖控開閉式，可以瞓在床睇到星星而取名，只可惜當晚無星星及月亮，瞓到半夜仲行雷及閃電，閉著眼都感覺天窗上一閃閃的電光；早上起床還下著很大的雨，慘喇，原本重點坐車上山，步行沿途睇瀑布群，因太大雨及沿路落山太危險，早餐中大家相討後，決定取消唔去這個行程，只在薰衣草田園及渡假村週圍影影相，無得去睇瀑布，大家當然好失望喇，回心一想，唔通用條命仔去駁咩！下次還可再去啫！

到『金林水鄉』，坐小竹筏欣賞兩岸水鄉風光，到岸上感受鄉村風貌，享用山水豆腐花，及那裡出名的酒糟花生；跟著去『水雲澗』苗族參觀及選購茶葉。

『懷集』的西北區風景很秀麗，喀斯特地貌和桂林不分伯仲，到處都可見奇峰倒影，最引人入勝是『懷集』有個很出名的景點『燕岩』，它是亞洲最大的金絲燕聚居洞，每年的六月初六更舉辦燕子節，我們觀看了採燕窩高手在洞內徒手赤腳攀岩60多呎高，採燕窩表演，很是精彩啊！

『燕岩』不到十五分鐘車程，就是『懷集』另一個名勝『世外桃源』，如陶淵明《桃花源記》中所描寫的隱蔽人間樂土，更有淳樸的『長壽村』古村落，要走訪這片土地，必先經過一個溶洞『桃源洞』；觀賞這個『桃源洞』有兩個方法，一是沿峽道漫步，二是乘坐竹排沿地下河流觀賞。岩洞景物及鐘乳石琳瑯滿目，奇石千姿百態，岩內岩石仿如鬼斧神工，建有小橋，方便行走，穿過小橋、流水、在洞口出洞；從黑暗中走出洞口，望着一片翠綠，名副其實的別有洞天。走出『桃源洞』，就踏入『桃源村』的範圍，種滿桃花的田園已開了花現已結果，亦種植了一大片薰衣草園，空氣中是甜蜜而浪漫的氣味，景色可以媲美日本北海道，與世隔絕的環境，真有一種世外桃源的感覺。

驅車去『廣寧』進入『竹海大觀』，坐竹筏欣賞沿途多種茂密的竹林，繼續再去『廣寧寶錠山』的財神山，這個是新建的景點，有世界最大既財神像，供人參拜，亦可在湖上泛舟；最後到『四會』貞山旅遊風景區，只有參觀一間廟宇，無乜特別，流連一會便離開，趕快到順德晚飯，即再趕往中山港坐船返香港，到港已晚上十時多了，結束三天又上山又下水，車程長，較疲累，但有天然生態，湖光山色欣賞，比起在港行商場就好得多啊！