DIY 廣東鮮蝦雲吞 - 雲吞雞

自己動手整鮮蝦雲吞係第一次，其實都好易啫，經濟實惠，加上雞及菜等等材料，變了廣東鮮蝦雲吞雞，無煮飯淨食佢，飲埋有豆漿做既正正湯底，已好飽飽了~~

雲吞食材:

豬肉碎 160克 / 中蝦肉 170克  / 廣東雲吞皮適量

豬肉醃料：

生抽 1 茶匙 / 砂糖半茶匙 / 粟粉 1 茶匙 / 胡椒粉少許

蝦肉醃料：

蛋白 1 湯匙 / 鹽少許 / 胡椒粉適量

雲吞做法：

1. 先把豬肉刴碎，用醃料醃約 20 分鐘。蝦去殼挑去腸及洗凈，瀝乾水份，用廚房紙吸乾水份，把每隻蝦切開 3至4 段，用醃料拌好，放入雪柜約 15 分鐘。

2. 拿出蝦肉，跟豬肉碎拌勻，預備一小碗盛在 4 湯匙水，用來包雲吞。用茶匙把蝦和豬肉餡料，置於雲吞皮中央，沿餡料週圍塗點水，用手黏合雲吞皮，輕力扭一下，令餡料不溜出來就可以。

雲吞雞材料:

冰鮮雞半隻

雲吞約 12-15隻

娃娃菜 1 棵及小棠菜幾棵

無糖豆漿 600ml

清雞湯 250ml

金華火腿 6-8 片

雲吞雞做法:

1) 金華火腿及雞出水備用。

2) 娃娃菜及小棠菜洗乾淨備用。

3) 用一碗清水，放清雞湯煲滾後，放入雞及金華火腿，用中慢火煲大約 20 分鐘。

4) 煲到雞肉腍及火腿出味後，加入豆漿再繼續用慢火煲約 20 分鐘，熄火取出雞，可撕開成雞絲，即可去除雞骨。

5) 準備食時，加入菜類，菜滾熟了。

6) 最後再加已另外煮熟既雲吞，後熄火，可原煲上枱食用。

土匪雞翼

土匪雞翼這個名字都幾有趣，做法十分簡易，最重要的調味香料是用 “孜然粉” 烤出佢既特別味道來，最後灑上黑芝麻，以煎或烤的方式來處理；土匪雞翼這個名字的由來，相傳在以前是由湖南一帶的土匪所創，他們四處打家劫舍，搶錢搶食物，就連香料、香草也不放過。他們將搶劫得來的香料用來烤雞翼，這隻孜然粉，香味特別撲鼻，所以當聞到這種味道，就會知道土匪的出沒地點，自此土匪雞翼就流傳了，“孜然粉” 配其他肉類都不錯，用來做串燒羊肉就最啱，味道濃郁，十分惹味呢！

材料：

雞中翼  12 隻

黑芝麻  1 湯匙

調味料：

孜然粉 2 湯匙
五香粉 1 茶匙
紹興酒  1 湯匙
老抽  1 茶匙

生抽  1 茶匙
糖  1 茶匙
鹽  1 茶匙
麻油  1 茶匙
胡椒粉少許

製法：

1） 雞翼解凍洗淨抹乾，加入所有調味料，醃約 2 小時，每一隻雞翼都沾上醬料，醃過夜也可以。

2） 焗爐用 240 度預熱，約 8-10 分鐘。

3） 焗盆放上燒烤架，排好雞翼，掃上醃汁，以 220 度先焗 15 分鐘。

4） 將雞翼反轉， 掃上醃汁，灑上黑芝麻在雞翼上，再焗約 10 分鐘，完成了。

檸檬可樂雞翼

{終極止咳,預防流感湯}

有時會無咩胃口，晚餐想要提起食慾，甜甜酸酸的菜式就最適合啦，來個檸檬可樂雞翼，檸檬酸，可樂甜，酸酸甜甜，這個不用焗爐，只是用簡單煎煮也是好好味！

可樂的二氧化碳可以令雞翼肉質更鬆弛，所以用可樂煮出來的雞翼十分軟腍，不過有一點要記住，可樂是用普通既可樂，千萬不要用無糖或少甜的可樂，因這些甜味是人工添加上去的，加熱煮後會變得有苦味。可樂已有甜味，所以食譜中沒有加糖，其實可樂煮過之後，已沒有可樂味留低，唔講係可樂雞翼，仲以為是瑞士雞翼，但可樂和雞翼的化學作用，令肉質鬆軟，加上檸檬既清香，簡單易做，實在都是不錯呢！

材料：

雞翼 10-12 隻

普通可樂 2/3 罐

檸檬 2 片

蒜頭 1 粒

薑片 2 片

生抽 2 湯匙

老抽 2 湯匙

紹興酒 1 湯匙

檸檬皮青少許

做法：

1. 雞翼洗淨，在背面用刀界兩刀，令雞翼更易入味，蒜頭拍扁。

2. 在平底鑊內加一點油，放入雞翼煎至兩面微微上色。

3. 加入蒜片和薑片煎出香味，倒入可樂、生抽、老抽、紹興酒和檸檬片煮滾，轉中小火，冚蓋煮 10-15 分鐘。

4. 開蓋大火煮雞翼至收汁，盛起灑上少許檸檬皮青便成。

砂鍋雲吞雞

砂鍋雲吞雞，在外面食都唔平，自己動手整其實好易整咋，但有無發覺屋企整既雲吞雞，個湯點都唔多似上海食肆既湯，出來係奶白色呢，而且雞又無人地整得咁嫩滑，點解呢？等我幫你解開呢個謎團啦 ~~~

材料:

冰鮮雞半隻 (或雞肶 2 隻)

雲吞 10 隻

娃娃菜 2 棵  (或小棠菜)

無糖豆漿 300 ml

金華火腿 6-8片

清雞湯 250 ml

 

做法:

1)   金華火腿及雞分別出水備用。

2) 娃娃菜洗乾淨備用。

3) 用一碗清水，放清雞湯煲滾後，放入雞及金華火腿用中慢火煲大概半小時。

4) 煲到雞肉腍及火腿出味後，加入豆漿再繼續用慢火煲約半小時，熄火取出雞，可以輕易撕開成雞絲，即可去除骨不要。

5) 臨食時加入雲吞，開火煮熟。

6) 最後再加入娃娃菜，菜熟了，加鹽，熄火，可原煲上枱食用。

 

溫馨提示:

1) 人多食用一隻雞做，其他要加一半份量。
2) 懶得包雲吞，可以買現成做。
3) 菜類亦可改用小棠菜，娃娃菜較甜及好味。
4) 不一定要用砂鍋做，用邊爐煲或其他煲都可以做!