金沙奶黃椰汁年糕

將鹹蛋黃與奶黃及椰汁結合，濃郁奶香與流沙口感，煙韌軟糯，甜鹹交織，甜而不膩，層次豐富，係新興既賀年糕點。今年第一次嘗試做，又真係好好味道，不會黐牙，將糕切片，輕輕煎至兩面金黃色，外脆內軟，口感更佳。祝各位馬年心想事成，龍馬精神，身體健康，萬事如意! 🐎😍😋

材料：（約 3 盒份量）

糯米粉 500g

粘米粉 50g

澄麵粉 50g

吉士粉 100g

清水 300ml

椰漿 400ml  

煉奶 50g

白砂糖 350g

無鹽牛油 50g

幼鹽 4g

鹹蛋黃 6 個

做法：

1. 鹹蛋黃隔水蒸約 10分鐘，蒸熟後放涼壓碎備用。

2. 混合清水、砂糖、鹽及牛油於小鍋，煮至糖及牛油溶化後關火，加入椰漿及煉奶拌勻成椰漿糖水備用。

3. 混合糯米粉、粘米粉、澄麵及吉士粉，遂少加入部份椰漿糖水，用手搓成粉團，之後再遂少加入餘下糖水，繼續搞成粉漿，粉漿過篩後，加入鹹蛋黃碎拌勻。(留起部份鹹蛋黃碎灑在年糕面）

4. 將粉漿倒入已塗油的耐熱模盤中，用中大火蒸 50-55 分鐘（蒸的期間要加水，避免燒乾鑊。

5. 放涼後或入雪櫃後，切片煎香食更加好味。

開心果及草莓紅莓 - 雪糕月餅

 

一年容易又中秋，奶黃及冰皮月餅我都有整過，家中無咩人有興趣食這些月餅，雪糕月餅都有整過 2次，今年我又再做了有兩款，開心果及草莓紅莓口味既雪糕，將佢做了幾個雪糕月餅來應吓節啦，祝各位中秋節快樂! 😌

開心果雪糕材料: 淡忌廉 250g、開心果醬 3 湯匙、開心果碎適量、煉奶 100g

草莓紅莓雪糕材料: 淡忌廉 250g、草莓紅莓乾適量、煉奶 100g

雪糕做法: 將淡忌廉打至 7 成起泡,加入煉奶,再加入開心果醬及開心果碎(或草莓紅莓乾),充分拌勻,倒入容器後,放入冰格雪 2、3 小時至硬身取出備用。

[脆皮雪糕月餅]

材料:白朱古力及牛奶朱古力粒共 250-300g (約做 6-8 個模殼用)

（1）先將朱古力粒隔熱水坐溶至液體狀態,加入一茶匙植物油拌勻。

（2）然後倒入膠模內薄薄先塗一層做外殼。

（3）放入冰箱雪幾分鐘,再塗一層做保險,免有位置冇朱古力,再入冰箱雪到硬身。

（4）將自己喜愛的雪糕口味,要軟化一點,倒入模中約九分滿,再雪,(今次我做了開心果及草莓紅莓雪糕)。

（5）雪糕雪硬後,再塗一層薄朱古力漿封頂,掃平再放入冰格雪硬脫模即成。

備註: 在朱古力粒中,可加一茶匙植物油,會滑一點冇咁杰身,朱古力粒或磚,在烘焙店有售。

切雪糕月餅小貼士： 於冰格取出月餅放室温約 5 分鐘後才切;先將金屬刀浸熱水一會後抹乾,放在月餅上要切的地方,待表面朱古力溶了後就一刀切到底;若底部的朱古力很厚,可考慮將刀抽出再浸熱水後才切,這樣朱古力層會冇咁容易切碎。