太平山頂上的吊鐘及櫻花

香港山頂公園位於太平山頂，柯士甸山道盡頭，原是香港總督山頂別墅，戰火後損毀拆卸，後發展為山頂公園，環境清幽，是一個結合自然美景，與悠閒設施的理想休憩地點。公園好像是香港人的一個秘密花園，有緣人不知不覺走到這裏來，驚訝香港原來有這樣一個風景壯麗、具古老維多利亞式建築的山頂公園。一片無敵大草地，最適合野餐，仲可以帶同你的寵物遊樂，山頂公園可能是香港最高、最接近天空、具傳奇歷史、寧靜的草地野餐及拍攝婚紗照既好地方。

柯士甸山遊樂場，曾是前港督既後花園，有歐陸式涼亭建築非常特別，花園很寬敞，環境確實令人心曠神怡，種有郁李花及重瓣緋寒櫻，陸續盛開，山頂花園的同樂徑，周圍種植了好多吊鐘花，正在燦爛綻放，大平園位置種了十多棵重瓣緋寒櫻，也陸續盛放。上山頂，隨了遊覽凌霄閣，俯瞰海港美景，重點可行上柯士甸山遊樂場，及山頂花園，在草坪漫步，行吓簡易既山徑，觀賞不同既花卉，真是不錯既地方啊！

大棠追『楓香』

香港最多楓樹既大棠楓香紅葉，多年前與網友去過，今次再與朋友第二次去賞楓香行山，睇了路線，搭港鐵去，跟住再搭巴士，落了巴士之後，都要行差不多一個鐘才到最多紅葉既目的地呀，唔想行咁多路，可搭的士坐一段路程到閘口旁，就可行少一些路程啦！ 

元朗大棠『楓香林』係點樣去呢:搭屯馬線到朗屏站落車，朗屏站由 B1 出口出閘，落樓梯向前行便會搵到 K66 巴士站位置，K66 大棠山路巴士站下車，下車向後行，好快見大棠荔枝山莊指示牌，向這方向沿大馬路行上山，行上山不久便會見這大棠荔枝山莊指示牌，直行繼續上山，沿大馬路直上山行會經過保良局賽馬會大棠渡假村，再繼續向山上行，沿山行經過到達大欖郊野公園及燒烤場，跟指示再繼續行，就會到了『楓香林』賞楓啦！如想行多點路段，亦可由元荃古道郊遊徑起點，經大欖涌水塘、千島湖到深井那邊走都可以。

初段路大家見到有點疏散既紅葉樹，大家已心急地影相，其實向前行，還有很多大棵嘅樹在兩旁，天氣未夠凍，只有部份既楓香樹紅了，紅葉最美的時候，是在12月下旬至1月中，12月12日去行係平日，遊人比較少，聖誕假期應會較多遊人去觀賞紅葉，當日有多間學校既師生在郊遊燒烤、放風箏，見有些人踩單車，天朗氣清行吓山，睇吓楓香都不錯，我們悠閒地行了幾個鐘，是原路折返到大棠山路車站，見有小巴去元朗，再搭巴士出市區返家去！