櫻花水信玄餅 (蒟蒻版)

日本山梨縣的傳統小食，『信玄餅 しんげんもち』，包裹著黃豆粉的糯米麻糬，再配黑蜜糖淋上來吃；後來某間日本點心店改用瓊脂代替糯米粉，造出似水晶球般透明的《水信玄餅》，後來這款傳統甜點大受歡迎，那晶瑩剔透的水滴外表，味道清甜而不膩，水盪漾般入口即溶化，是炎炎夏日最佳甜品，現在既《水信玄餅》可選用蒟蒻粉、寒天粉、白涼粉、果凍粉、吉利丁粉等等做出，餡料亦可以改用生果取代，或不加餡料做，這款超簡易清新甜點，大家喜歡食嘅，可多做幾份材料啊！

材料：
蒟蒻粉 15g
鹽漬櫻花 ／生果 （隨意）
白砂糖 2 茶匙 （可加多或減少）
熱開水 250ml 

黑糖漿 （隨意）
熟黃豆粉 （適量） 

做法：
1. 鹽漬櫻花，用凍滾水浸一會，需要換水三至四次，減走咸味。 

2. 黑糖加水，慢火煮成黑糖漿預用。 

3. 將蒟蒻粉及白砂糖加入熱開水中混合。 

4. 倒入圓形模具中一半位置，放上櫻花，加上蓋，再用小漏斗注入蒟蒻溶液至八成滿，亦可用其他半圓形模具做。 

5. 放入雪櫃，冷藏大約 3 小時後，凝固取出，可以起模倒出來。 

6. 加入黑糖漿及黃豆粉拌食，完成了。