元朗大棠追追『楓』

 

 

 

與愛影相既網友一早約定了,在上星期六,去最多楓樹既大棠影紅葉,其實我地都未去過,所以睇了網上朋友介紹既路線,跟住搭車去,都幾易搵到,但落了巴士之後,原來都要行差不多一個鐘才到最多紅葉既目的地呀,唔想行咁多路,可搭的士坐一段路程行少一些既！

『楓香林』係點樣去呢:搭西鐵線到朗屏站落車,朗屏站由B1出口出閘,落樓梯便會見到指示牌K66巴士站位置,從K66大棠山路站下車,下車後行,好快見大棠荔枝山莊指示牌,向這方向沿大馬路上山行,上山行不久便會再見這大棠荔枝山莊指示牌,若想睇紅葉便不要轉右,直行繼續上山,沿大馬路直上山行會經過保良局賽馬會大棠渡假村,再繼續向山上行,沿山行經過見到有燒烤場,照指示再繼續行,就會到了『楓香林』啦！亦可由大欖涌水塘那方向行過來都可以。

起初大家見到有很細小疏散既紅葉樹,大家已心急地影相,其實向前行,還有很多大棵,又紅又有金黃色既楓香樹,聽說紅葉最美的時候,是在11月尾至1月中,所以12月聖誕假期勁多遊人到來觀紅葉,攝影發燒友更多的是,靚相機長短火都出齊啦,更有旅行團搞睇紅葉到來,我們行的一日天氣雖然凍,晴朗都不錯,見有很多人踏單車來,也有很多遊人帶埋可愛的大小狗來遊玩,及作模特兒影相,也見到有幾對新人在紅葉樹下影婚紗相,我們見咁靚既楓紅葉,影到都唔願走呢！

觀賞完紅葉沿路行回巴士站,在落車的對面就有K66巴士站,可返在朗屏邨悅屏樓站下車轉回西鐵線,便可歸家啦！其實香港仲有多處地方都有楓樹紅葉觀賞既,大棠就最壯觀,夠多又紅,所以出名好多呀,大家有時間仲可以去追楓架,約睇到一月中呀！

 

(片片楓葉情)

楓香寒冬葉變紅

隨風飄送庭院中

片片詩語深思注

千言萬語寄情濃