份量: 約有 2 個 8 吋圓形 Pizza
麵糰材料:
高筋麵粉: 200g鹽: 4g砂糖: 6g橄欖油/或食油: 20g 乾酵母: 3g (Dry Yeast)溫水: 125g
餡料: 隨個人喜好啦！上次做個 Pizza 批底做得不理想，我今次改了麵糰材料再做過，選擇了兩款不同餡料，[一個用茄膏底，加栗米粒、菠蘿、火腿、芝士片，碎芝士]，[另一個係油咖哩醬底，加入蝦、帶子、舞菇、彩椒、洋蔥、芝士片、碎芝士]，開工啦！
做法：
1) 酵母放入溫水拌勻，靜置約 3分鐘。
2) 除了生油外，把所有麵糰材料拌勻，後加入酵母水搓勻。
3) 搓到麵糰帶點筋性，加入生油繼續搓至麵糰表面光滑即可。
4) 把搓好的麵糰放入盆內，蓋上保鮮紙，發酵約1-2小時，發酵要大了1至2倍。
5) 發酵完成，取出麵糰兩成兩份，將每份麵糰輕輕拉長後，好似用洗衫擦衫咁擦多吓，掟吓麵糰，拉長擦多幾吓，再掟吓麵糰，對摺幾次，鬆弛約10分鐘。
6) 一份麵糰拍扁拉闊，成圓形狀，約8吋大，先在烤盤上撒下乾粉，將麵糰放在薄烤盤或錫紙內，用叉子在薄餅皮上均勻地刺小孔，加上搽少許油，掃上醬汁，然後作最後發酵，約30分鐘，另一份麵糰照做。
7) 發酵完成，加入自己喜愛的材料，逐層放上，最後放上芝士碎。
8) 放入預熱焗爐 210 度，焗約15-20分鐘，咁就完成有得食喇，今次批底焗出來效果係唔錯呀！
後記:
1. 用溫水係有助酵母發酵的，如用太凍或太熱的水，會令酵母活躍度減低或死亡，個麵糰發唔起。
2. 放麵糰上焗盤前，可放上焗爐紙或錫紙搽少許油。
3. 搓麵糰時，可在手上加少許油或筋粉。
4. 注意放海鮮，但要出出水先，因放生既會出水，攪到個批面淋了。
5. 因為搽油係想個批底吸左層油先，到搽醬後，唔洗等個批底吸左d醬而令批面淋了呀。
6. 用芝士片切細，再加芝士絲才會有藕斷絲連啊，試試吧！
|
(這是在 Yahoo blog 的舊作)
沒有留言:
發佈留言