虎地坳鳳眼藍、大水管、河上鄉荷花

除了元朗，上水虎地坳村同樣有不少鳳眼藍，就去觀賞一吓啦，由上水既上水廣場地下的巴士站乘 73K 巴士在虎地坳站下車，再沿梧桐河行，見好多羊群在河邊草叢開餐，行至近上水屠房轉入兩邊河塘都有種植鳳眼藍，可惜去得太遲，河塘中只有好少量鳳眼藍，另一個河塘一朵花都無只得葉。

之後入村參觀七彩古井及壁畫，出村之後經景點上水大水管，再沿雙魚河向羅湖方向行。此行程有補給點，在快景路的鴻淘士多“羅太豆腐花”，有飲品及即食麵。

沿雙魚河行出，到河上鄉有一個足球場咁大既荷花池，入面的荷花十分美麗，可以入內參觀。觀賞之後行到河上鄉鄉公所搭 51K 小巴返回上水，是次行程平路簡單易行，難度只是一星，無行山經驗亦可。