日本中部遊記 (3)

12月6日，第四天早餐後，坐地鐵由名古屋市去大須，參觀『大須觀音寺』，周圍行吓商品街，係類似心齋橋既“通”一樣，午餐在商品街一間麻甩食堂，叫地道飯餸開餐，好抵食呀！ 

下午坐近鐵，再轉專車去今次行程重點，係去桑名市長島的『名花之里 (なばなの里)』，佔地 23 萬平方米，面積十分寬廣，係日本有花之廣場之稱，全日本國內最大級既燈祭、燈海、晚上有LED燈光 Show，五點亮燈，夜燈飾加上有紅葉配襯，更有幾個令人陶醉既大型溫室花卉樹木，各類花卉好新鮮艷麗，球根秋海棠，似人頭咁大，垂吊既係另一品種，手掌咁大，靚絕，有震撼感，非筆墨能形容到，親身觀賞，嘆為觀止，燈祭、燈海、燈光效果係有期間限定，『名花之里』一年四季是有不同類型花卉展出，雖然入場費高，是值回票價的，去到約四點已天黑，仲落雨，好在入溫室睇完花卉樹木出來雨己停，否則就失色了！約七點離開，坐旅遊巴士返酒店附近購物，之後試食吓『日本的薩利亞』，菜單與香港店有所不同，仍是價廉物美，餐後返酒店休息。  

12月7日，第五天早餐後，坐名鐵去了愛知縣的犬山市，參觀『犬山城』，這城係日本國寶，幾百年來無被損毀，係保存最好既一坐城堡，可脫鞋登上城頂俯瞰犬山市，在附近參觀埋三個神社，『針綱神社』、『猿田彥神社』，『三光稻荷神社』(提升戀愛運及財運)，仲見到有日本人影結婚相，見有好多日本人祈福，用心型咭許願，這裡又有四季櫻歡迎大家到來，行吓犬山城前城下町，完成所有行程了，折返名古屋市返酒店取回行李，坐名鐵特急機鐵去中部國際機場，午餐拉麵在機場，返港了。

總結今次日本中部遊，去了昇龍道其中兩個縣，三重縣與愛知縣既部份景點，算是順利，有坐過高速船、機鐵、地鐵、名鐵、近鐵、JR電車、巴士、旅遊巴等交通工具；有食過多種地道食品：生姜燒定食+天婦羅定食、伊勢烏冬、拉麵、餃子、壽司、名古屋名物(炸豬扒)、麻甩食堂(叫餸食飯)、炸雞飯+親子飯、日本薩利亞意粉及 pizza、炸雞、法式多士、布丁吐司、赤福本店名物赤福及自助早餐各類食品；今次主要想觀賞的紅楓及銀杏，因啱時間去，見到周圍有好多楓樹及楓香種有不同轉變既顏色，由大紅、粉紅、金黃及綠都睇到，好靚，金黃燦爛既銀杏樹，周圍都見到，名古屋市既『櫻通』大道，好耐以前係種滿櫻花，現在大道兩旁改種滿銀杏樹，俗稱黃金大道，仲有多條大道都種滿了銀杏樹，金黃色好搶眼，還見到多間神社中有櫻花(四季櫻)也開放了，對這次旅程已十分滿足及滿意啊！

(完)