芝士煙肉焗珍寶蘑菇

菇類愛好者的我，對珍寶蘑菇現在特別喜愛，因它超多汁又厚肉的質感，喜愛更多於其他菇類了，今次來整個香脆的 “芝士煙肉焗珍寶蘑菇” 啦，煙肉焗得香脆，配合爽口的洋蔥，芝士香濃和  Juicy 的珍寶大蘑菇，真的是絕配呢！我仲加了幾個香草煙肉焗既薯蓉伴食，太滿足了。

材料:

珍寶大蘑菇 4 個

煙肉 90g

洋蔥半個

蒜蓉適量

牛油少許

芝士碎適量

黑椒適量

鹽少許

做法:

1. 焗爐用 180 度預熱。

2. 將煙肉及洋蔥切粒，加入蒜蓉碎及黑椒拌勻，用少許牛油及少許鹽，將料略為炒香。

3. 用濕紙巾沫淨蘑菇，吹爽，切去蒂部備用。

4. 將炒過既蒜蓉洋蔥煙肉料，釀入蘑菇內，最後灑上芝士碎，將蘑菇放於焗盆上。

5. 用 180 度，焗約 13-15 分鐘，至芝士金黃色，蘑菇有微微收縮，完成了。

6. 從焗爐取出蘑菇，可配上焗薯蓉或其他伴食。

蔗糖多豆- 缽仔糕

缽仔糕由細到大，相信大家都會食過，但街買既口感各有不同食法，有些仲唔多好食添，不如自己郁手試做啦，整好了試食，哈哈…又不錯喎，仲好食過街買既缽仔糕，多豆又 Q 彈，不黐牙，亦不會太甜，我喜歡食黃色豆多嘅，自己整既當然會加多點紅豆做啦！

材料:  (約 6-10 個)

粘米粉 100g
澄麵粉 20g
木薯粉 10g  (泰國生粉)

片糖 1½ 塊

紅豆約半飯碗 (洗净，不用煲，預備 250ml 滾水，一齊放入保温真空壺中，起碼焗 5 小時，這步驟要先做，環保亦慳火，焗過既紅豆好快變淋，樣子較完整。)

做法:

1. 粘米粉、澄麵粉、木薯粉三種粉一齊過篩，加入 125ml 暖水，攪拌至平滑無粉粒。

2. 將焗了紅豆連保温壼內的水，煮約 15-2O 分鐘，放入 1 塊半片糖，試一試淋未，淋了就隔起紅豆。

3. 餘下的紅豆水，應只剩下 200ml 左右，所以要加多 100ml 水，變成 300ml 水。

4. 將這 300ml 水過篩隔渣，等約十分鐘放涼。

5. 紅豆水放涼了，分 3 次倒入白色粉漿拌勻。

6. 鑊加水煮滾，模裡面每個要掃上少許食油。

7. 粉漿倒入在模中，平均放入些少紅豆先，用猛火蒸 20 至 22 分鐘，當蒸至 8 分鐘時，加入其餘的紅豆粒，再蒸多約 12 分鐘，完成了。

小貼士:

A. 紅豆粒如一次放晒入去蒸，會沉落在底部，面就睇不見有紅豆，所以要分兩段時間加入啦。

B. 蒸熟後要放涼約半小時，才用竹簽拮起，否則會容易爛開。

C. 如用碗仔蒸，時間要加多數分鐘才能熟透。