嘉道理農場行山樂

上星期日與友友，約定去嘉道理農場行吓山及影相，以前去過只在下面周圍行，睇吓家禽、鳥類、花草，原來佢範圍包括成二千呎既山，地方好大呀，今次我們自己去，個人入場費要俾 20元，佢有專車上到最高既觀音山頂及兄弟紀念亭及其他景點，如:蝴蝶園，修女花園等等，每人令要付 10元車費，可在多個站上落，我們搭到最高既觀音山山頂才落車，逐個景點行落去，影吓相，天氣好好，山頂藍天白雲，微風清爽，遠眺怡人景色，好舒適呀！

原路行，途經都有不同花卉樹木，但我們主要想去係睇既櫻花，就在農曆年已開了啦，只得少量既桃花，吊芙蓉，吊鐘花，炮仗花，杜鵑花及其他不知名既花花，周圍睇吓行吓影吓，落到山下，反而多溫室既蘭花，及雀鳥、家禽睇呀，行了幾個鐘，又攰，肚子又餓，走時差不多五點，係時候關門啦，所以好似散場咁多人等巴士，入元朗及出大埔兩個方向都咁多人等，我們驚等得太耐，又上唔到車，就向前行一個站等，有部份人都跟我們咁做，行前一個站等車，都一樣好擠迫冇位坐，果日咁行了成日，返家後都感覺幾攰攰呀！