東部華僑城day 1 (大俠谷)

成日要用既景區地圖

瀑布酒店後面,在瀑布旁邊,我地就係住呢間啦,中等價普通啦

大俠谷瀑布群

海菲德小鎮區

Pizza Hut 外型好特別呀

海菲德小鎮區有山有水好舒暢 

 外型斜既水上人家,裡面無咩睇囉

 深海探奇裡面,原來係水母館

 [咆哮山洪]係表演的地方,有爆炸和山洪暴發等等特效,我無睇呀

坐吊車上山,好高驚驚地呀

遠眺雲海谷兩座 18 洞高爾夫球場,好大霧

登峰造極(skywalk) 下面全部都係透明玻璃,畏高既人會驚呀

在雲海高地上玩 [雲霄飛輪],你都米搞我囉

比登峰造極仲要高既觀光塔,坐上去會旋轉上最高點

呢架就係纜車啦,拉上拉落行得好快,畏高既原來都會好驚

來回要行二千幾米路既大華興寺(大雄寶殿)

仲要再上108級樓梯,既一座金光閃爍「坐蓮四面觀音」

四面都唔同既坐蓮觀音

聽講深圳的東部華僑城是一處旅遊渡假勝地，想看看它的真面目，在旅行社買了套票，前幾天便約同老友，一起到深圳大梅沙，展開兩天的東部華僑城之旅。

出發前上網睇睇，先了解東部華僑城的資訊，這座2007年7月陸續對外開放的生態旅遊區，坐落於深圳大梅沙，佔地9平方公里。其中包括兩個主題公園，即大俠谷生態樂園、茶溪谷渡假公園；三座旅遊小鎮，即海菲德小鎮、茵特拉根小鎮、茶翁古鎮；八間渡假酒店，即瀑布酒店、茵特拉根酒店、房車酒店、火車營地、黑森林酒店、城堡酒店、咖酷旅館、菩提賓舍；兩座18洞高爾夫球場。此外，還有大華興寺、天麓別墅大宅等，體現了人與自然的和諧共處喎。

3月3號早上8:15開車出發，約10點已到達大梅沙區，東部華僑城東門入口處，車還可坐到我們預訂的瀑布酒店，花了半個多小時在櫃台辦理入住手續，我們套票已包 [大俠谷+茶溪谷] 兩日遊聯票。該酒店建築在人工瀑布的巨石下面，裝飾也以「水」元素為主題，當踏入酒店的大門及房間，都能感受到大自然的寧靜舒適。我們住6樓的標準房，為了抓緊時間遊覽景點，在酒店房間放下簡便行李後，便匆匆離開酒店出去，睇住地圖開始玩啦。

嘩！幾個山頭咁大，從那處開始玩呢都幾頭痛，好在一早問定晒人啫，就由大俠谷瀑布開始啦，因每個景點都好有距離，腳仔要開始勞動啦，平日去有點唔好既係人太少，有部份既車站、登山電梯都無開、機動遊戲有些又唔開、表演節目時間相隔好長，走遠了就無法回去睇到。

瀑布區玩完，坐「索道」即係吊車上山，到了雲海高地，走進[登峰造極]，腳下面全部都係透明玻璃，U型地下係山下高榭林，我朋友唔敢入去個U型處行，話好驚呀，我初時都有點驚，逐少試後都行畢整個透明U型囉，再上有個觀光塔，坐上去會旋轉上最高點，睇晒周圍景色，朋友死都唔肯坐話咁高好驚驚架，唯有我自己玩啦，呢兩樣睇驗，原來我可以承受到在高處嘅；跟住又要行，上上落落，再轉纜車到達『大華興寺』山腳，要行120米樓梯上面才有要俾錢既車坐，因有時間我們無搭車，再要行1000米到達寺院大雄寶殿，好宏偉，再上108級樓梯上去，上面有一座金光閃爍平和既「坐蓮四面觀音」，來回行了二千幾米既路，花了兩個鐘完成『大華興寺』既景點，好寧靜清幽，其實都值得一看嘅；玩完再坐纜車、吊車落山再行呀行，趕睇6點半既(天機 water show)大型特技場面表演，好唔錯喎，拍案叫絕值得一看，完成了一日既行程，返到酒店休息，第一日行了好多路，大家已累死喇！

(天機 water show) 大型特技及水中表演

待績：東部華僑城 day 2 (茶溪谷)

(這是在 Yahoo blog 的舊作)