北菇臘腸滑雞煲仔飯

材料醃好備用

米要浸約30分鐘

開始煮飯啦

當然要有碟油菜嘅

米收乾水放入材料

已煮好啦,淋上煲仔飯豉油

焗多一陣,可以閞飯啦!

近來天氣雖然開始轉暖，突然間想整一煲熱騰騰既煲仔飯食，諗起令人垂涎三尺，又點忍得口呢，其實一年四季都可以煲嘅，冬天食當然特別正啦，立即動手整先！

今次所選既材料非常簡單，去凍肉店買雞搥、雞翼，臘腸一條，已經好鬼豐富喇！(想再香味濃郁啲，加埋冬菇，一定引死人啊)

飯熟後，淋上煲仔飯豉油，咁就趁熱辣辣時慢慢歎啦喂！(嘻嘻，小心辣親個嘴仔喎)

(二至三人份量)

材料：

雞搥 / 雞中翼 6-8件 (或改冰鮮雞半隻斬件)

冬菇 2 隻 (浸軟切粗條)

臘腸 1 條

白米1.5 個飯碗

清水 2 個飯碗

雞搥 / 雞翼醃料：

鹽、糖、老抽、生抽、胡椒粉、生粉及薑絲各適量

煮法：

1. 雞搥洗淨，加入醃料拌勻，加入冬菇絲醃半小時或以上。臘腸用水沖洗表面，切段備用。

2. 洗淨白米，浸 15-30分鐘，加入少許生油。煲內加入已洗白米及凍水，開大火至煲滾，轉細火煲 5分鐘。

3. 開蓋檢查白米是否收乾水，才放入已醃好的雞搥、翼及臘腸、冬菇，再加蓋煲細火煲約 20分鐘。

4. 開蓋淋上煲仔飯豉油，喜歡可加少許蔥段，加蓋再焗多一陣，即可趁熱吃。(焗飯時間要視乎米既份量而定，可自行判斷執生)

烹調心得：

米 / 水比例：為 1：1.5，如白米用 2 杯，便用 3 杯水

米既份量要比平時預多些，因會有燶了既飯焦在煲底唔食得嘅

如果唔想專登買樽煲仔飯豉油，亦可 DIY 做都可以嘅！ 

甜豉油做法：(2湯匙老抽 + 3湯匙生抽 + 2湯匙白沙糖 + 4湯匙清水)，先將白沙糖及水用慢火煮溶，然後加入老抽及生抽煮滾即可。

 

(這是在 Yahoo blog 的舊作)

泰國之旅2011年(3-5 day)

拜四面神祭品

Centerpoint 大商場旁

泰國土炮名牌 Naraya 蝴蝶袋

Naraya 蝴蝶袋,款式好多元化

各類泰式食品

坐長尾船遊覽湄南河兩岸

導遊介紹話最好食既魚蛋粉，其實香港好食得多囉

娥姐私房菜通菜好特色，青綠部份用手撕成幼絲炒好爽口

大頭蝦幾鮮味, 咖哩蟹好夠味無影相添

黎明塔高達79米

黎明寺內

芭堤雅海灘已變得好窄,遲些話會無晒沙

珊瑚島水清沙幼

金娜麗海鮮酒樓 - 煲仔翅

粉絲蝦煲

椰子燉燕窩共享三寶，二人份量，只收600 銖

哈,麥叔叔在佛國手都要合十噃

泰國古法按摩，旅行社包我們按一小時嘅

老虎樂園內既鱷魚潭

龍城花園酒家,傳菜員全是踩 Roller

BAIYOKE SKY HOTEL  在84層高旋轉層景色

冬蔭公湯好好味

BAIYOKE SKY HOTEL  76樓自助餐,好多嘢食呀

泰國機場內

泰國機場內往登機路段

無咩特別,只買了幾款手信,每款五六包,已分晒俾人囉

呢盒係蜜蜂採金三角特種花粉,提煉成藥用天然蜂蜜970銖

 

(Day 3) 在酒店早餐後坐車到『三頭象神博物館』，在遠處已經睇到了，重達250噸，高達十層樓，由純銅精雕而成的三頭神象，入面都幾大，分為三層，象肚腩那層最大，仲有升降機搭添，象頭位置不能到嘅，內古董物及部份神像是不准影相；泰國民間故事中的象神，因象神是婆羅門教中的一位天神的座騎。故此象神神通廣大，不論什麼妖魔鬼怪也不是他的對手。此尊三頭象神是由一九九四年開始建設，全是僱用本地區的手工藝美術師慢慢的修建，在建設期間曾有多次的神跡發生過，所以直到現在每天都有無數的市民前來參拜，可說是有求必應的象神。

 

中午到龍城花園酒家食午餐(這一餐算是最差)佢既賣點係傳菜員全是踩 Roller，園景好大有中國特色，餐後到以前係鱷魚潭，現改為『老虎樂園』玩，可抱初生老虎仔拍照、參觀蠍子女王數以百計的蠍子在她身上穿梭爬行，好驚驚呀，還可與蠍子女王及那些蠍子合照，膽子大可一試玩弄毒蠍子於手中！園內更有其他動物，如鱷魚潭、長頸鹿、大老虎，老虎做豬仔奶媽，亦有豬婆做老虎仔奶媽，仲有好多其他動物數唔晒，並設泰國第一個賽豬場，團友可欣賞有趣詼諧的賽豬比賽，都幾有趣得意嘅！

 

車已到達《芭堤雅》區了，跟住前往『帝王古廟』參觀，晚餐去類似流浮山既地方食海鮮餐，又幾好食喎，飯後我們去看了芭堤雅Tiffany’s Show人妖 show，整場表演是十分華麗，靚景既古今歌舞，場景做得蠻精緻的，而且換場的時候都很有次序，每場劇情編舞都不錯，有中文歌，韓文歌，英文及泰文歌，也有著名的雙面人表演，全部都係"Boy Girl人妖"演出，有別於一味性感，係表演多既，都好好睇，不過每人要800銖，包一杯飲料，睇個幾鐘都幾貴囉，不過出外旅遊，當然有咩都要參觀吓啦！睇完表演之後，當然又係俾錢既時候，所有人妖主角會出晒噴水池旁，俾錢同美艷絕頂既人妖影靚相，每次每人影要40泰銖，影得多係佢哋搵得多，不過佢哋一開口就真係不敢恭維啊！其實感覺他們，搵到既錢不停要做手術，有些要做幾十次也蠻辛苦及可悲啊！好攰啦要返酒店休息了。

 

(Day 4) 在酒店早餐後在《芭堤雅》乘快艇約半小時去到《珊瑚島》，分配好私人　Locker 後，各自享受悠閒日光浴或自費玩各項空中降落傘、水上電單車、快艇或香蕉船等水上活動，現我對其他水上活動無咩興趣，降落傘以前又玩過，所以選擇游吓水啫，好耐無在海灘游水，《珊瑚島》水清沙幼滑，但水好鬼鹹呀！太陽猛烈我怕晒濃，游夠就算了，周圍行逛逛影吓相，中午在《珊瑚島》食完燒烤餐，離開返酒店梳洗，導遊帶我們前往馳名既「金娜麗海鮮酒樓」，自費享用『煲仔翅、粉絲蝦煲、椰子燉燕窩』三寶，二人份量，只收600 銖好抵好味，個個都會食架，之後再乖車去享受泰國古法按摩，係旅行社包我們按一小時嘅，OK 啦，泰式按摩在港都有做嘅，但不太喜歡，我比較鍾意做中式按摩及通淋巴經常都有做嘅！按摩完周圍逛逛街，晚餐去酒店食正宗既泰國菜，好好味，款款菜色都係好正呀！行街見到周圍都係泰式按摩舖，仲有「魚吻足」，把腳放池中，牠們輕輕的為你除去老化角質層，見外國遊客試得好興奮，好有新鮮體驗噃！旅途中當然有去指定既購物點啦，如金蜂園買蜜糖產品，皮具購物中心，珠寶城，野生叢林之旅等等，呢幾處我只買了一大盒靚蜜糖啫！

 

(Day 5) 六點起床，早餐後離開芭堤雅，途中帶我們去海味土產燕窩專門店買手信，其實大家早在車程中已經訂購了導遊推介既各款手信啦，我都訂了，在土產店買了少許啫！經過兩個鍾車程，返回曼谷，我們訂了在曼谷最高那座 BAIYOKE SKY HOTEL高有84 層，在76 樓食自助餐，食品非常豐富，款式多多都唔錯，因最後一餐是自費要600 銖一位嘅，其實團團都會來呢處食嘅，因佢包括在84 樓觀光旋轉層囉！下午要去機場，準備要回程返香港啦！

 

泰國之旅既感受：曼谷係泰國首都，現在建設繁華而美麗。白天人們熙來攘往，每到上班下班時間，車龍總是長得找不到首尾。據導遊講，除了因為繁忙時間，大家都一齊擠在馬路上，其中一個最大的原因，就是泰國買車便宜，每個家庭平均有2-3部房車，差不多會駕車的人，都有自己既車，交通工具少，地鑯又不夠全面，難怪馬路上總是水洩不通。晚上芭堤雅又是另一個光景，白天的喧鬧，演化成晚上的狂野，五光十色的霓虹燈下，有成行成列既酒吧、食店，人們夜夜笙歌、縱情聲色，這大抵是到訪過的人，必然感覺既印象啊！芭堤雅好多外國人，導遊話俄羅斯人係最多喎，佢地政府俾錢他們旅遊，佢地喜歡選擇去泰國玩，會玩上幾個月；泰國物價上升不少，100 港元只約對370 泰銖，再無咩特別平嘢賣，食既一般，香港咩泰國嘢都有得食，而且水準高，未必會專程去食嘢，今次去完可能要等好久才會到訪泰國呢！

 



(這是在 Yahoo blog 的舊作)