夏威夷果仁朱古力

 

夏威夷果仁朱古力，係易整又好味既一款零食，可以轉用其他堅果，如：榛子、開心果、花生等等都好正，喜歡又可以加紅莓乾、提子乾都得，聖誕期間，我加入七彩朱古力針加點色彩氣氛，祝大家聖誕快樂！🌲😋 

食材：

原粒夏威夷果仁 120g

朱古力粒 300g

海鹽 少許

七彩朱古力針 適量

做法:

1. 將朱古力粒在熱水中坐溶，加入海鹽拌勻。

2. 用小匙先放一半在心型模中，再放一粒果仁在中央，放涼點，再加上朱古力溶液，掃平待放涼後可脫模。

3. 另一半朱古力溶液，加入開邊的夏威夷果仁拌勻，用匙再分成一份份，放上錫紙或牛油紙上，加上七彩朱古力針，待放涼，或可放進雪櫃冷藏至少 30分鐘。

大棠追『楓香』

香港最多楓樹既大棠楓香紅葉，多年前與網友去過，今次再與朋友第二次去賞楓香行山，睇了路線，搭港鐵去，跟住再搭巴士，落了巴士之後，都要行差不多一個鐘才到最多紅葉既目的地呀，唔想行咁多路，可搭的士坐一段路程到閘口旁，就可行少一些路程啦！ 

元朗大棠『楓香林』係點樣去呢:搭屯馬線到朗屏站落車，朗屏站由 B1 出口出閘，落樓梯向前行便會搵到 K66 巴士站位置，K66 大棠山路巴士站下車，下車向後行，好快見大棠荔枝山莊指示牌，向這方向沿大馬路行上山，行上山不久便會見這大棠荔枝山莊指示牌，直行繼續上山，沿大馬路直上山行會經過保良局賽馬會大棠渡假村，再繼續向山上行，沿山行經過到達大欖郊野公園及燒烤場，跟指示再繼續行，就會到了『楓香林』賞楓啦！如想行多點路段，亦可由元荃古道郊遊徑起點，經大欖涌水塘、千島湖到深井那邊走都可以。

初段路大家見到有點疏散既紅葉樹，大家已心急地影相，其實向前行，還有很多大棵嘅樹在兩旁，天氣未夠凍，只有部份既楓香樹紅了，紅葉最美的時候，是在12月下旬至1月中，12月12日去行係平日，遊人比較少，聖誕假期應會較多遊人去觀賞紅葉，當日有多間學校既師生在郊遊燒烤、放風箏，見有些人踩單車，天朗氣清行吓山，睇吓楓香都不錯，我們悠閒地行了幾個鐘，是原路折返到大棠山路車站，見有小巴去元朗，再搭巴士出市區返家去！