卡達拉娜（カタラーナ）

源自歐洲的高級甜點 Catalana，以君度橙酒、新鮮蛋黃與忌廉為主要原材料，低溫烘烤，面層撒上黃金砂糖，以火槍將表面燒成褐色的焦糖後，冷凍製成，傳到日本後，成為好受歡迎既出色人氣甜品。

卡達拉娜食既口感似雪糕、芝士蛋糕及焦糖布丁既混合板，上層的黃金硬脆焦糖，增加不少口感變化層次，是一款很奇特的特殊甜點。

這款是不會融化既雪糕，在日本食譜網中搵到原味食譜，就試吓做，做法也簡易，在冰格冷藏後，取出在常溫下，五分鐘後享用，口感更佳。

如想外面食到既，大家可在日本及香港既 スシロー (壽司郎)，其中有款甜品叫卡達拉娜 (カタラーナ) ，就係佢啦，在台灣既可在(森果香) ，也買到卡達拉娜佢既幾款其他口味啊。

材料：
淡忌廉 200ml
全蛋 1 隻
蛋黃 2 隻
幼砂糖 75g
雲尼拿香油 1 茶匙 或 (君度橙酒)
黃金砂糖適量灑面

做法：
1. 慢火煮熱忌廉，放入雲尼拿香油或君度橙酒拌勻，熄火。
2. 蛋加砂糖拌勻，逐少加入忌廉處，邊落邊攪拌。
3. 過篩倒入模中，不起氣泡。
4. 預熱焗爐，焗盤底加入溫水約 40 度，水浴法用上下火 140 度，焗約 45 分鐘，底盤水不能乾。
5. 出爐放涼後，放入冰格中，冷藏約 2 小時，取出加入黃金砂糖，平均分佈在面周圍，用火槍燒成焦糖，再放入冰格雪硬，取出切開完成。
6. 取出在常溫下，五分鐘後享用，口感更佳。

紅絲絨雜果忌廉蛋糕 (生日用)

自己係 11月之星，又係自家出手整生日餅啦，買到天然紅色既紅麴粉，因不想用色素，就做個紅絲絨雜果忌廉蛋糕，忌廉蛋糕好少做，因怕麻煩，雖然樣子做得麻麻，其實又幾好食嘅；至親多個都係 11月之星，仲有同月同日生日既幾位 blog 友，祝大家生日快樂，身體健康及快樂！

6 吋蛋糕材料：

低筋麵粉 50g

蛋黃 3 個

牛奶 45g

植物油 30g ​

紅麴粉 7g

可可粉 2g

蛋白 3 個

幼砂糖 40g

檸檬汁少許

做法：

1)  先將蛋白蛋黃分離 。

2)  蛋黃拌勻，加入牛奶、植物油，篩入低筋麵粉、紅麴粉、可可粉，全部攪勻。

3)  蛋白加入檸檬汁，分 3 次加糖，打至 7 分發 。

4)  取 1/3 蛋白霜，加入蛋黃糊中切拌式均勻，再倒回剩餘蛋白霜中切拌均勻。

5)  倒入 6 吋戚風模中 ( 7-8 分滿 )，輕輕晃平，震出氣泡。

6)  烤箱上下火 150°C，提前預熱 10 分鐘，放入烤箱中下層烤焗約 45 分鐘。

7)  蛋糕烤焗出爐後，震下熱氣，馬上倒扣網架上放涼。

8)  完全放涼後脫模，用鋸齒刀平均切開三片​。

夾心及裝飾：蜜桃、菠蘿、藍莓、銀糖珠、紅絲絨蛋糕碎

夾心奶油： 淡忌廉 250g，糖粉 15g，隔冰水打至 8 分發​

忌廉放入有唧咀的唧袋中，在每層蛋糕片邊唧上水滴型，中間平均唧滿忌廉，加入雜果，頂層唧滿忌廉掃平及唧花，再加上裝飾，完成。