西檸煎軟雞

近日天氣咁潮濕咁悶，想食點酸酸甜甜既食物會開胃點噃，今次就整吓西檸煎軟雞啦，不過同平時做法有點不同，我係無將雞扒炸囉，怕盛餘炸過既油有排食及成頭煙呀，但出來既味道都一樣不錯呀。

材料好簡單：

雞扒 2 塊
雞蛋半隻
檸檬 1個

醃料： 鹽、雞粉、紹酒、生粉、蛋漿各少許

獻汁： 鮮榨檸檬汁半個 (另將半個切片) 、白醋 1茶匙、糖 3 湯匙 (按個人喜歡的甜味 )、吉士粉1茶匙、栗粉半茶匙、水 1/3 碗調勻

做法:

1) 將雞扒解凍後，用醃料，先醃 30 分鐘。
2) (如要炸既做法)塗上半隻蛋漿在雞扒中，再拍上生粉。
3) 下油落鑊，煎雞扒(或炸)，煎或炸熟後，放涼切件排好碟上。
4) 檸檬切開三片，再對切，餘下檸檬榨汁備用。
5) 將獻汁枓略煮勻，加入對切檸檬片，收成獻汁後，淋上雞扒上，就完成啦。

小貼士：

1) 檸檬切開前，先放在枱上按摩數下，會榨出多點檸汁。
2) 檸檬片不要加熱太久，否則獻汁會變苦。

3) 獻汁既醋同糖既份量，需按個人口味調較份量，而且檸檬大小有別，亦會影響口味。

4) 記住炸既野要分兩段火力，下鑊時用中火，到炸熟臨起鑊時要轉大火，咁先可以將食物內既油份迫出，炸物先會香脆架。

(這是在 Yahoo blog 的舊作)

椰香紅豆綠茶啫喱慕絲 (母親大壽用)

祝福我媽媽身體健康,老如松柏,永遠開心快樂呀!

酒店訂既 5 磅忌廉什果蛋糕,與我整既慕絲蛋糕

呢款係做大壽,送給各親友留念既金壽桃,現在已好難搵到啦!

係我做既花束花籃等,送給大家,祝情人節快樂!

前幾日係我媽媽生日，今次唔同呀，她是九十大壽，大哥話要幫媽媽搞大點，請摰親坐埋食番餐慶祝，筵開要數席，人生有九十歲實難得有，各兄妹都當然話好啦！

雖然二哥已在酒店訂了一個大型蛋糕，但大日子喎，我當然都要整番個較細蛋糕俾媽媽品嚐啦；好多都做過了，今次整咩好呢？佢喜歡食紅豆、椰子、啫喱之類噃，一於整番個『椰香紅豆綠茶啫喱慕絲生日餅』俾佢，樣樣都有齊，媽媽一定會喜歡啦！

可惜當晚在酒店訂了既蛋糕，實在太大啦，分蛋糕時，部長話驚食唔晒，話保留我整那個咪切住，話唔夠再切，最後真的食唔晒，保留了我那個，真有點失望呀，要取回返家，媽媽當晚在我家瞓，到第二日中午，才切給媽媽品嚐，好彩她都好喜歡食，及讚賞我整得好靚，仲話好好味道，總算無白費我的心意呀！祝福媽媽身體健康，老如松柏，永遠開心快樂呀！

[8吋圓形甩底餅模一個]

餅底材料：

消化餅碎 105g

溶牛油 45g

餅底做法：

1. 蛋糕模放入蛋糕咭紙在底部

2. 餅碎加入溶牛油拌勻，倒入蛋糕模中壓平，先放入雪柜冷藏一小時

椰香紅豆慕絲材料：

椰奶 160g

淡忌廉 180g

蛋黃 3 隻

幼砂糖 90g

魚膠粉 13g  (凍水 40g 開魚膠粉用)

罐頭紅豆 180-200g

椰香紅豆慕絲做法：

1. 淡忌廉打至七成企身放回雪柜備用

2. 混合椰奶和砂糖半份

3. 加入魚膠粉拌勻，熱水座溶用

4. 發打蛋黃和另一半份砂糖至淡黃色

5. 加入椰奶溶液拌勻待用

6. 加入紅豆蓉拌勻

7. 再加入椰奶蛋槳拌勻

8. 將椰香紅豆慕絲料，倒入餅底蛋糕模內，放入雪櫃凝固

綠茶慕絲材料：

淡忌廉 180g

幼砂糖 50g

綠茶粉 8g

魚膠粉 8g  (凍水 55g 開魚膠粉用)

綠茶慕絲做法：

1. 將另一份淡忌廉打至七成企身放回雪柜備用

2. 魚膠粉和糖用凍水開勻，加入綠茶粉，後用熱水座溶

3. 把綠茶溶液倒入已打發的淡忌廉拌勻

4. 加入魚膠粉溶液拌勻

5. 取出已凝固的紅豆慕絲，倒入綠茶慕絲抺平，放入雪櫃冷藏凝固

啫喱果凍材料：

青檸味啫喱粉 1盒 90g

魚膠粉 8g

水 320g

啫喱果凍做法：

水用小煲加熱，放入青檸味啫喱粉拌溶，再加入魚膠粉拌溶，熄火待涼(可座冰水冷卻)，倒入已凝固的紅豆綠茶慕絲上，再放入雪櫃冷藏凝固。

飾面水果：

士多啤梨、藍莓、蜜桃、奇異果等等 (各適量)

在雪櫃取出凝固的慕絲，可用熱毛巾圍邊側脫模，放上切好飾面水果，便完成了。

這款是多層次，味道又不同既慕絲餅，雖然做既時間要較長，但好易做又免焗，都唔錯囉，不喜歡啫喱那層，可以省減去呀！

 

(這是在 Yahoo blog 的舊作)

台南、墾丁、高雄遊 (完結篇)

要登上 Z 字形的百幾級樓梯,才見到前清打狗英國領事館

位處山上,可眺望西子灣 景色風景區

前清打狗英國領事館建於1878年,現為二級古蹟文物館

黃昏亮了燈,更加有色彩

黃昏既西子灣 景色

遠眺旗津半島燈塔

坐《愛之船 》遊愛河

夜遊愛河

愛河兩岸風光

 

『新堀江』購物區

旗津半島碼頭

渡輪可載電單車及人

島上有少見既三輪車

旗後砲台入口

當時砲台既宿舍

 

砲台上一枝砲都無,是日治尾期被拆熔毀

防空洞

 

旗津半島上天后宮

是高雄最大既夢時代購物商場



夢時代頂樓的 HELLO KITTY 大型摩天輪,名為『高雄之眼』

台灣出名既兩間大書店

高雄小港機場

前清『打狗英國領事館』，建於1878年，現為二級古蹟，並闢為高雄市蹟文物館，到底打狗是什麼意思呢？打狗之名源自高雄的古稱~打狗，這是清朝的建築，建材以紅磚為主，中西合壁的建築風格，曾經是英國在台灣的領事館，是台灣第一棟洋樓，當年是英商天利洋行建造，由英國人設計、採用歐洲新文藝復興風格、以維多利亞式時代之洋樓造型，現在則變成旅遊景點。

『愛河』的故事，聽導遊講，當時有一對年輕愛侶，遭受家庭反對，雙雙跳入河中殉情，而命名『愛河』；以前河水臭氣沖天，經過廿多年處理後，現夜遊『愛河』，有好有魚兒飛彈在船上，表示河水已潔淨了不少，但有些人還感覺有點臭味，現周邊的綠美化造景皆為愛河加分，對於外地或本地遊客都有著獨特的魅力，河畔兩岸各有咖啡座，夜後迎著清涼微風，浪漫風情更加迷漫，更有街頭表演，夜遊愛河，欣賞兩岸風光是一樂也。

『新堀江』購物區，以前係入口外國貨品集散地，現在有點似旺角既女人街。

『旗津半島』海港風情，位於高雄港 西側，是高雄最早的發祥地，為一海外沙洲，南北長約11公里，是高雄古蹟的大本營，旗津目前有列名古蹟四處：旗後砲台 為二級古蹟，天后宮 、旗後燈塔與旗津國小舊校舍(現已大致舊址改建)各為三級古蹟。另一觀光特色：三輪車，大都集中於旗津輪渡站 附近，可繞行附近幾個觀光景點。海岸風情別具南國風味，環島自行車專用踩風大道與騎警隊更增添旗津的觀光特色。此外、旗津海岸景觀、旗津海岸公園 、旗後山隧道、風車公園、旗津輪渡站 、中洲輪渡站、亦有海鮮店林立，旗津是台灣的觀光大島，成為重要的旅遊景點啊！

『夢時代購物商場 Dream Mall』是高雄超大型購物商場，由統一企業集團籌資300億元興建的購物中心，購物中心共有12樓層，地下兩樓、地上10樓，分別以水、花卉、自然、宇宙為四大主題概念。夢時代頂樓還有　Ｈｅｌｌｏ　Ｋｉｔｔｙ的大型摩天輪，為台灣南部第一座摩天輪，命名為『高雄之眼』，有紅、橙、黃、綠、藍、紫共六種色系車廂，仲有兩個透明玻璃車廂很可愛啊，當然有出名既誠品及金石堂書店啦！

今次去台灣南部，因全團加錢，增加多了好幾個景點，所以行程非常充實緊密，雖然較疲累，但景色優美，食品款式多多，價錢平而近，真的不錯，開心又好玩呀！

 





(這是在 Yahoo blog 的舊作)